وزیراعظم عمران خان ملائیشیا کا دو روزہ دورہ مکمل کرکے وطن واپس روانہ

کوالالمپور: وزیراعظم عمران خان اپنا دورہ ملائیشیا مکمل کر کے وطن واپس روانہ ہو چکے ہیں۔ ملائیشیاکے وزیر خارجہ اور وزیر دفاع نے ایئر پورٹ پرالوداع کیا۔

وزیراعظم عمران خان دو روزہ سرکاری دورے پر ملائیشیا گئےتھے۔ کوالالمپور ایئرپورٹ پر ملائیشین وزیر دفاع محمد صابو نے ان کا پرتپاک استقبال کیا بعد ازاں دونوں رہنماؤں کے درمیان ملاقات ہوئی جس میں علاقائی صورتحال پر تبادلہ خیال کیا گیا تھا۔

مزید پڑھیں: پاکستان کو فلاحی ریاست دیکھنا چاہتا ہوں۔ وزیر اعظم کا ملائشین انسٹیٹیوٹ سے خطاب

وزیراعظم عمران خان نے ملائیشین وزیراعظم ڈاکٹر مہاتیر محمد سےملاقات کی جس میں دوطرفہ تعلقات، خطے کی صورتحال، کشمیر سمیت اہم امور پر تبادلہ خیال کیا گیا۔

عمران خان کے دورہ میں ملائیشیا کے ساتھ قیدیوں کے تبادلوں سمیت مختلف معاہدوں پر دستخط بھی کئے گئے۔