گوگل نیوز پر ہمیں فالو کریںاسلام آباد: وزیراعظم شہباز شریف نے آذربائیجان کے صدر الہام علیووف سے ٹیلی فونک رابطہ کیا اور انہیں عید الاضحیٰ کی مبارکباد دی۔
وزیراعظم نے آذربائیجان کے برادر عوام کے لیے نیک خواہشات کا اظہار کیا۔ انہوں نے اس ماہ کے شروع میں باکو کے دورے کے دوران ان کی اور ان کے وفد کی گرمجوشی سے مہمان نوازی کی تعریف کی۔
دونوں رہنماؤں نے تمام شعبوں میں دوطرفہ تعلقات کو مزید فروغ دینے کے عزم کا اعادہ بھی کیا۔ وزیراعظم نے آذربائیجان کے صدر الہام علیووف کو دورہ پاکستان کی دعوت دی جسے انہوں نے قبول کر لیا۔
وزیر اعظم شہباز شریف کو ایران کے صدر سید ابراہیم رئیسی نے ٹیلی فون کیا اور عید کی مبارکباد دی۔
صدر رئیسی نے عیدالاضحیٰ کے پرمسرت موقع پر وزیراعظم کو مبارکباد دی۔ وزیر اعظم نے ایران کی حکومت اور عوام کے لیے نیک خواہشات کا اظہار کیا اور دلی مبارکباد کا اظہار کیا۔
دونوں رہنماؤں نے اس موقع کو استعمال کرتے ہوئے دو طرفہ دلچسپی کے مختلف شعبوں پر بات چیت کی۔
وزیر اعظم نے صدر رئیسی اور ایرانی حکومت کے ساتھ مل کر دونوں ممالک کے عوام کی بھلائی اور بہتری کے لیے کام کرنے کے عزم کا اظہار کیا۔
مزید پڑھیں:آئی ایم ایف کا پاکستان سے 3 ارب ڈالر کا اسٹاف لیول معاہدہ کرنے کا اعلان
دونوں رہنماؤں نے باقاعدہ اعلیٰ سطحی رابطوں کے ذریعے فعال طور پر مصروف رہنے پر اتفاق کیا۔ وزیراعظم نے ایرانی صدر کو دورہ پاکستان کی دعوت دی۔
