گوگل نیوز پر ہمیں فالو کریںنیویارک: وزیر اعظم شہباز شریف نے جمعرات کو اقوام متحدہ کی خصوصی مندوب انجلینا جولی کی ”سیلاب متاثرین کے لئے ہمدردی” کا اعتراف کیا، جو اس وقت سیلاب سے متاثرہ لوگوں کے ساتھ اظہار یکجہتی کے لیے پاکستان کے دورے پر ہیں۔
انہوں نے ایک ٹویٹ میں کہا، ”پاکستان ان لاکھوں لوگوں کی آواز بننے پر انجلینا جولی، اقوام متحدہ کی خصوصی مندوب اور دیگر گمنام ہیروز کا شکریہ ادا کرتا ہے، جن کی زندگیاں اور ذریعہ معاش سیلابی پانی سے تباہ ہو چکے ہیں۔”
وزیراعظم نے کہا کہ ہم دکھی انسانیت کے لیے ان کی ہمدردی کو ہمیشہ یاد رکھیں گے۔
واضح رہے کہ ہالی ووڈ اداکارہ انجلینا جولی نے سیلاب سے متاثرہ علاقوں کا دورہ کیا اور عالمی برادری پر زور دیا کہ وہ مزید کام کرے کیونکہ پاکستان کے سیلاب زدہ علاقوں میں لاکھوں افراد مشکلات کا شکار ہیں۔
مزید پڑھیں:سوشل میڈیا صارفین کا شوبز ستاروں کے اسکینڈلز پر کیا ردعمل سامنے آیا؟
بدھ کو دیر گئے نیشنل فلڈ ریسپانس کوآرڈینیشن سینٹر (NFRCC) کے اپنے دورے کے دوران، اداکارہ نے کہا کہ اس سے پہلے انہوں نے ایسی تباہی کبھی نہیں دیکھی۔
