انٹربینک میں روپیہ مزید تگڑا، ڈالر کی قدر میں کمی

کراچی: پاکستانی روپے کے مقابلے میں امریکی ڈالر کی قدر میں کمی کا سلسلہ جاری ہے، جس کے باعث روپیہ قدرے مستحکم ہونا شروع ہوگیا۔

فاریکس ڈیلرز ایسوسی ایشن کے مطابق آج انٹربینک میں ڈالر 1 روپے 94 پیسے تک سستا ہوگیا جس کے بعد انٹربینک میں ڈالر 220 روپے کی سطح پر پہنچ گیا۔

گزشتہ روز بھی کاروبار کے آغاز پر روپیہ ڈالر کے سامنے اوپر جاتا نظر آرہا تھا اور کاروبار کے دوران ڈالر کی قدر میں پہلے ایک روپے 44 پیسے کمی ہوئی جس سے ڈالر 220.50 روپے کا ہوگیا۔

یہ بھی پڑھیں:

موڈیز نے پاکستان کی بیرونی قرض کی ریٹنگ مزید کم کردی

دوسری جانب کاروباری ہفتےکے آخری روز میں پاکستان اسٹاک ایکسچینج میں کاروبارکا آغازمنفی رہا، 100ا انڈیکس 13 پوائنٹس کمی سے 42 ہزار 147 کی سطح پر ٹریڈ کر رہا ہے۔