گوگل نیوز پر ہمیں فالو کریںاسلام آباد:قوی ایئر لائن پی آئی اے نے باکو کے لیے براہ راست پروازوں کا اعلان کر دیا ہے۔
ترجمان پی آئی اے کا اس حوالے سے کہنا ہے کہ کراچی اور لاہور سے آذربائیجان کے دارالحکومت اور تجارتی مرکز باکو کے لیے پروازیں چلانے کے منصوبے کو حتمی شکل دے دی ہے۔ ایئر لائن ہفتہ وار دو براہ راست پروازیں چلائے گی۔
انہوں نے کہا کہ ایک پرواز کراچی سے اور دوسری لاہور سے چلائی جائے گی۔پی آئی اے کی پہلی بروز بدھ 16 مارچ 2022 ء کو جناح انٹرنیشنل ایئرپورٹ کراچی سے روانہ ہوگی جبکہ دوسری علامہ اقبال انٹرنیشنل ایئرپورٹ لاہور سے 19 مارچ 2022 ء کو روانہ ہوگی۔
یہ پروازیں باکو میں مقیم پاکستانیوں کے علاوہ دونوں ممالک کے شہریوں کی دیرینہ مانگ کو پورا کرتی ہیں، باکو کو سیاحتی مقام کے طور پر اعلیٰ درجہ حاصل ہے۔
سی ای او ارشد ملک کا کہنا تھا کہ پی آئی اے کے نیٹ ورک میں مزید مقامات کو شامل کرنے کی منصوبہ بندی کی جا رہی ہے، ایئر لائن کی مارکیٹنگ اور دیگر شعبوں کو مسافروں کو بہترین خدمات فراہم کرنے کی ہدایت بھی کی ہے۔
مزید پڑھیں: بین الاقوامی مارکیٹ میں خام تیل کی قیمت4فیصد تک کم ہوگئی
