پی ایس ایل 6: اسلام آباد یونائیٹڈ کو پشاور زلمی نے 6وکٹوں سے شکست دے دی

پاکستان سپرلیگ (پی ایس ایل)2021 کے کم ترین ہدف کے حصول میں پشاور زلمی کو شروع میں نقصان کا سامنا کرنا پڑا جب اسلام آباد یونائیٹڈ کے باؤلرز نے صرف 9 کے اسکور پر دو وکٹیں حاصل کرلی تھیں۔ تاہم آنے والے بلے بازوں نے ذمہ دارانہ بیٹنگ کرتے ہوئے مطلوبہ ہدف 17 گیندیں پہلے حاصل کرلیا۔

اسے قبل پشاور زلمی کے خلاف اسلام آباد یونائیٹڈ کی پوری ٹیم وہاب ریاض کی نپی تلی باؤلنگ کے سامنے رواں سیزن کے سب سے کم اسکور 118 رنز پر ڈھیر ہوگئی تھی.

نیشنل اسٹیڈیم کراچی میں پی ایس ایل 2021 کے 10 ویں میچ میں پشاور زلمی کے کپتان وہاب ریاض نے ٹاس جیت کر اسلام آباد یونائیٹڈ کو پہلے بیٹنگ کی دعوت دی تھی۔

After last night’s thriller, @PeshawarZalmi are back in action today and have won the toss. Playing XIs mulahiza farmayen! #MatchDikhao l #HBLPSL6 l #PZvIU pic.twitter.com/Dg4rokfppd

— PakistanSuperLeague (@thePSLt20) February 27, 2021

اسلام آباد یونائیٹڈ نے بیٹنگ شروع کی تو وہاب رہاض نے پہلے اوور کی چوتھی گیند پر پہلا میچ کھیلنے والے پال اسٹرلنگ کی وکٹیں بکھیر دیں۔

الیکس ہیلز اسکور آگے بڑھاتے رہے لیکن دوسرے اینڈ سے بلے باز آؤٹ ہوتے گئے، فل سالٹ صرف 9 رنز بنا سکے تاہم دوسری وکٹ کی شراکت میں اسکور 38 رنز تک پہنچ گیا تھا۔

Viki strikes! That beautiful voice of ball hitting the stumps is how we begin ???????? #HBLPSL6 l #MatchDikhao l #PZvIU I @WahabViki pic.twitter.com/Otd8Vy2ArC

— PakistanSuperLeague (@thePSLt20) February 27, 2021

ثاقب محمود نے پشاور زلمی کے لیے دوسری وکٹ فل سالٹ کو بولڈ کر کے حاصل کی۔

اسلام آباد یونائیٹڈ کی تیسری وکٹ عمید آصف نے حاصل کی جب 41 کے مجموعے پر فہیم اشرف 2 رنز بنا کر کوہلر کو کیچ دے بیٹھے۔

کپتان شاداب خان پانچویں نمبر پر بیٹنگ کے لیے آئے لیکن وہ وکٹوں کے درمیان جھکتے ہوئے رن لینے کی کوشش میں ناکامی کے باعث کریز بدر ہوگئے اور اس وقت ٹیم کا اسکور 7 اوورز میں 55 رنز تھا۔

Is this the start to a blazing innings? We think yes. #MatchDikhao l #HBLPSL6 l #PZvIU pic.twitter.com/TQ7G85mCc3

— PakistanSuperLeague (@thePSLt20) February 27, 2021

الیکس ہیلز نے 5 چوکوں اور ایک چھکے کی مدد سے 27 گیندوں پر 41 رنز کی ذمہ دارانہ اننگز ضرور کھیلی لیکن ان کے عزائم کو ثاقب محمود نے محمد عمران کے ہاتھوں کیچ کروائے خاک میں ملا دیے۔

مجیب الرحمٰن نے حسین طلعت کو بی آؤٹ کیا جو 22 رنز بنا کر کھیل رہے تھے جبکہ نئے آنے والے بلے باز آصف علی نے چھکا مار دباؤ کم کرنے کی کوشش کی۔

D E S T R O Y E D #MatchDikhao l #HBLPSL6 l #PZvIU pic.twitter.com/Psy4RWWdY5

— PakistanSuperLeague (@thePSLt20) February 27, 2021

پشاور زلمی کے کپتان اننگز کا 15 واں اوور کرنے آئے تو یونائیٹڈ کا اسکور 6 وکٹوں پر 109 رنز تھا لیکن دونوں اہم وکٹیں حاصل کرتے ہوئے گزشتہ میچ ان کے خلاف کی گئی جارحانہ بیٹنگ کا بدلہ چکایا.

“I Am Iron Man” #MatchDikhao l #HBLPSL6 l #PZvIU pic.twitter.com/U1qP5GOBpb

— PakistanSuperLeague (@thePSLt20) February 27, 2021

افتخار احمد 15 ویں اوور کی پہلی گیند پر کوہلر کو کیچ دے کر آؤٹ ہوئے اور انہوں نے صرف 7 رنزبنائے تھے.

آصف علی 2 چھکوں کی مدد سے 12 گیندوں پر 19 رنز بنا کر اپنے ارادے ظاہر کر چکے تھے لیکن وہاب ریاض نے اوور کی آخری گیند پر چلتا کردیا.

Those last few steps cost @76Shadabkhan highly. Another key wicket for Zalmi! #MatchDikhao l #HBLPSL6 l #PZvIU pic.twitter.com/NgqihPKGGK

— PakistanSuperLeague (@thePSLt20) February 27, 2021

وہاب ریاض نے زبردست باؤلنگ کا سلسلہ جاری رکھا اور 17 ویں اوور کی تیسری گیند پر حسن علی کو آؤٹ کردیا، وہ 7 رنز پر کھیل رہے تھے اور ٹیم کا اسکور 118 رنز تھا.

Nothing seems to be going @IsbUnited’s way here. The Zalmi kingdom is in full command! #MatchDikhao l #HBLPSL6 l #PZvIU pic.twitter.com/dDe3uS2erV

— PakistanSuperLeague (@thePSLt20) February 27, 2021

 ثاقب محمود نے اگلے اوور کی پہلی گیند پر محمد وسیم کی وکٹ حاصل کی تو اسلام آباد کی پوری ٹیم 18 ویں اوور کی پہلی گیند پر ڈھیر ہو چکی تھی.

اسلام آباد یونائیٹڈ کی پوری ٹیم 18 ویں اوور کی پہلی گیند پر 118 رنز پر آؤٹ ہوگئی جو رواں سیزن میں اب تک کا سب سے کم اسکور ہے.

پشاور زلمی کے کپتان وہاب ریاض نے سب سے زیادہ 4 وکٹیں حاصل کیں اور صرف 17 رنز دیے.

اسلام آباد یونائیٹڈ کے فاسٹ باؤلر حسن علی نے ٹیم کے کم اسکور کے دفاع کے لیے پہلی اوور کی تیسری گیند پر ان فارم بلے باز امام الحق کو صفر پر آؤٹ کر کے مضبوط بنیاد رکھی.

دوسرے اوور پر شمالی وزیرستان سے تعلق رکھنے والے نوجوان باؤلر محمد وسیم نے ٹی ٹوئنٹی کے خطرناک بلے باز کامران اکمل کو بھی آؤٹ کرکے زلمی کو دباؤ کا شکار کردیا کیونکہ اس وقت پشاور کا اسکور محض 6 رنز تھا اور 2 اہم وکٹیں گر چکی تھیں.

ٹام کوہلر اور شعیب ملک نے تیسری وکٹ کی شراکت میں 63 رنز کا اضافہ کیا اور ٹیم کے اندر اچانک پیدا ہونے والی بے یقینی کو ختم کر دیا.

زلمی کی تیسری وکٹ کوہلر کی صورت میں گری، جب وہ 69 کے اسکور پر 46 گیندوں پر 46 رنز کی اننگز کھیل کر آؤٹ ہوئے، جس میں 4 چوکے اور 2 چھکے شامل تھے.

حیدر علی نے 3 چوکوں اور 3 چھکوں سے مزین 36 رنز کی اننگز کھیل کر سست بیٹنگ کی رفتار میں تیزی لائی لیکن 17 ویں اوور کی پانچویں گیند پر حسن علی نے آؤٹ کر دیا تاہم ٹیم فتح کے قریب پہنچ چکی تھی.

پشاور زلمی نے 4 وکٹوں کے نقصان پر 122 رنز بنا کر اسلام آباد یونائیٹڈ کو 6 وکٹوں سے شکست دے دی. شعیب ملک 29 اور شرفین روتھرفورڈ 6 رنز بنا کر ناقابل شکست رہے. حسن علی نے 2 اور محمد وسیم اور فواد احمد نے ایک،ایک وکٹ حاصل کی.

اسلام آباد یونائیٹڈ کے کپتان شاداب خان نے ٹاس کے بعد کہا کہ ہم ٹرینڈ تبدیل کرنا چاہتے تھے اور ٹاس جیتتے تو پہلے بیٹنگ کرتے تو پہلے بیٹنگ کا ہی موقع ملا ہے۔

ان کا کہنا تھا کہ بڑا اسکور کرنے کی کوشش کریں گے جس کا دفاع کیا جا سکے۔ وہاب ریاض کا کہنا تھا کہ پہلے باؤلنگ کرکے ہدف کا تعاقب کریں گے اور ٹیم میں ایک تبدیلی کی گئی ہے۔

نیشنل اسٹیڈیم کراچی میں رواں سیزن میں پشاور زلمی کا یہ چوتھا جبکہ اسلام آباد یونائیٹڈ کا تیسرا میچ ہے۔

اسلام آباد یونائیٹڈ نے ابتدائی دونوں میچوں میں کامیابی حاصل کی اور چار پوائنٹس کے ساتھ ٹیبل پر دوسرے نمبر پر موجود ہے جبکہ پشاور زلمی کو دو فتح اور ایک ناکامی کا سامنا رہا تاہم 4 پوائنٹس کے ساتھ تیسرا نمبر ہے۔