گوگل نیوز پر ہمیں فالو کریںاسرائیلی فورسز نے فلسطینی گلوکارہ دلال ابو آمنہ کو غزہ کی حمایت میں پوسٹ کرنے پر ”اشتعال انگیزی“ کے الزام میں گرفتار کرلیا۔
انسٹاگرام پر تین لاکھ سے زیادہ فالوورز رکھنے والی گلوکارہ کو پیر کی رات ناصرت میں ان کے گھر سے گرفتار کیا گیا تھا۔
ابو آمنہ کے وکلاء نے عرب 48 ویب سائٹ کو بتایا کہ اسرائیلی پولیس نے ان سے پوچھ گچھ کی ہے، لیکن ’ان کی حراست میں توسیع کا کوئی سرکاری فیصلہ نہیں کیا گیا ہے‘۔
گلوکارہ کے انسٹاگرام اکاؤنٹ پر آخری دو سوشل میڈیا پوسٹس جو انہوں نے اکاؤنٹ پرائیویٹ کرنے سے پہلے کی تھیں، ان میں غزہ میں کام کرنے والے خیراتی اداروں کے لنکس اور پوسٹس شامل تھیں جن میں لکھا گیا تھا کہ ’رب مجھے راحت اور رحم عطا فرما‘ اور ’خدا کے سوا کوئی فاتح نہیں‘، جو کہ قرآن پاک کی آیات کا حوالہ ہے۔
اسرائیل کی جانب سے قتل کی دھمکیاں، امریکی ماڈل جیجی حدید نے اپنا فون نمبر تبدیل کردیا
مقامی ذرائع ابلاغ کے مطابق، ابو آمنہ دو بچوں کی ماں ہیں، انہوں نے اس سے قبل اسرائیلی آباد کار گروپوں کی طرف سے ہراساں کیے جان کی شکایت درج کرائی تھی۔
ناصرت میں پیدا ہونے والی گلوکارہ ایک تربیت یافتہ نیورو سائنٹسٹ بھی ہیں اور فلسطین کے بارے میں اپنے حب الوطنی پر مبنی گانوں کے لیے جانی جاتی ہیں۔
