گوگل نیوز پر ہمیں فالو کریں14 اکتوبر کو پاک بھارت میچ کے بعد پاکستان کی شکست پر اسرائیل کے سرکاری سوشل میڈیا اکاؤنٹ سے ٹوئٹ کی گئی جس میں بھارتی جیت کا جشن منایا گیا۔
اسرائیلی وزیراعظم نیتن یاہو کی زیرقیادت اسرائیلی حکومت کے ایکس اکاؤنٹ سے احمد آباد کے نریندر مودی کرکٹ اسٹیڈیم میں کھیلے گئے میچ کے بعد پیغام جاری کیا گیا جس میں قومی کرکٹ ٹیم کے وکٹ کیپر بیٹر محمد رضوان کے لیے طنز بھی شامل تھا۔
مذکورہ اکاؤنٹ سے کراؤڈ میں موجود بھارتی مداح کی تصویر پر ردعمل دیا گیا جس نے اسرائیل کی حمایت کا پوسٹر اٹھا رکھا تھا۔
We were really moved by Indian friends showing their solidarity with Israel 🇮🇱
We are happy that India🇮🇳emerged victorious in the #INDvsPAK match at #CWC23 and that Pakistan was unable to attribute its victory to the terrorists of #Hamas. https://t.co/tvgYATe0Af
— Israel ישראל 🇮🇱 (@Israel) October 15, 2023
بھارتی مداح کی تصویر کے ساتھ پوسٹ میں لکھا گیا کہ ہم بھارتی دوستوں کی جانب سے اسرائیل کے ساتھ یکجہتی کے اظہار سے متاثر ہوئے ہیں۔
اسٹیڈیم میں نماز کیوں پڑھی؟ بھارتی وکیل نے محمد رضوان کیخلاف آئی سی سی میں شکایت درج کرادی
ٹوئٹ میں مزید لکھا گیا کہ ہم خوش ہیں کہ ورلڈکپ کے دوران بھارت نے پاکستان بمقابلہ انڈیا میچ میں فتح حاصل کی اور پاکستان اپنی فتح حماس دہشتگردوں کے نام کرنے کے قابل نہ ہو سکا۔
واضح رہے کہ بھارتی مداح کی یہ تصاویر بھارت میں اسرائیلی سفیر ناؤر گیلون نے شیئر کی تھیں، مداح کے پکڑے پوسٹر میں اسرائیلی وزیراعظم نیتن یاہو اور بھارتی وزیراعظم نریندر مودی کو ایک دوسرے کا ہاتھ تھامے دیکھا جا سکتا ہے۔
یاد رہے کہ ورلڈکپ میں سری لنکا سے 6 وکٹوں سے تاریخی فتح کے بعد اس میچ میں 131 رنز کی ناقابلِ شکست اننگز کھیلنے والے محمد رضوان نے اپنی یہ جیت غزہ کے مسلمانوں کے نام کی تھی۔
بعدازاں بھارتی اسپورٹس جرنلسٹ وکرانت گپتا سمیت کئی بھارتی صارفین نے اس ٹوئٹ پر ناپسندیدگی کا اظہار کرتے ہوئے آئی سی سی سے کارروائی کرنے کا کہا تھا۔
تاہم آئی سی سی کے ترجمان کا اس حوالے سے کہنا تھا کہ یہ کھیل کے میدان اور آئی سی سی کے دائرہ اختیار سے باہر ہے۔
ترجمان آئی سی سی نے مزید کہا تھا کہ فرد اور ان کے بورڈ پر منحصر ہے کہ وہ اپنے انفرادی پلیٹ فارم کو کس طرح استعمال کرنا چاہتے ہیں۔
