پاکستانی پیار کرنے والے لوگ، ہمیں بہت سپورٹ کیا، ڈیوڈ وارنر

کراچی :آسٹریلوی کرکٹ ٹیم کے اوپنر ڈیوڈ وارنر نے کہا ہے کہ یہاں بہت پیار کرنے والے لوگ ہیں، کراؤڈ نے بھی ہمیں سپورٹ کیا، راولپنڈی ٹیسٹ کی بے جان وکٹ کے بعد اب ہم چاہتے ہیں کہ کراچی میں بہتر وکٹ بنائی جائے۔

کراچی میں ورچوئل پریس کانفرنس میں ڈیوڈ وارنر نے کہا کہ راولپنڈی کی وکٹ بے جان تھی لیکن کراچی میں میچ سے قبل کنڈیشن کا جائزہ لیں گے اور کراچی ٹیسٹ میں کتنے اسپنرز کھیلیں گے اس کا مجھے علم نہیں ہے، ہم ایسا میچ چاہتے ہیں جس میں بالرز کے لیے بھی مواقع ہوں۔

اوپنر بلے باز نے کہا کہ دورہ کے حوالے سے اب تک سب کچھ مثبت ہے اور یہاں بہت پیار کرنے والے لوگ ہیں، پنڈی میں تماشائیوں نے بھی ہمیں سپورٹ کیا۔ کھیل کے دوران لطف اندوز ہونا چاہیے، تماشائی کھیل کا سب سے اہم حصہ ہیں اس لیے ان کے ساتھ انجوائے کرتا ہوں۔

مزید پڑھیں:آئی سی سی نے بھی راولپنڈی کی پچ کو اوسط سے کم درجہ قراردیدیا

انہوں نے کہا کہ 24 برس کے بعد کا دورہ خوش آئند اور کرکٹ کی کامیابی ہے، پی سی بی اور کرکٹ آسٹریلیا نے اس دورے کو ممکن بنانے کے لیے بہت کام کیا۔

ڈیوڈ اورنر نے کہا کہ میں اسپن باؤلنگ پر راج کرنے والے اپنے ہم وطن آنجہانی شین وارن جیسا بننا چاہتا تھا، وہ ایک پائے کے کھلاڑی تھے جنہوں نے دنیا کے بڑے بڑے کھلاڑیوں کو اپنی انگلیوں پر نچایا جبکہ میں نے اپنا کیریر بھی باؤلر کی حیثیت سے شروع کیا تھا۔

اوپنر بلے باز نے کہا کہ بدقسمتی ہے جب پی ایس ایل ہوتا ہے تو میں ان دنوں انٹرنیشنل کرکٹ کھیل رہا ہوتا ہوں، اس لیے ایک اچھی لیگ میں شرکت کرنا مشکل ہو جاتا ہے۔

انہوں نے کہا کہ میں شین وارن بننا چاہتا تھا، میں نے اپنے کریئر بھی بولر کی حیثیت سے شروع کیا۔ دورہ کے حوالے سے سب کچھ مثبت ہے۔ یہاں بہت پیار کرنے والے لوگ ہیں، کراؤڈ نے بھی ہمیں سپورٹ کیا۔ پی سی بی اور کرکٹ آسٹریلیا نے اس دورے کے لیے بہت کام کیا۔