امریکا میں پاکستانی 21سالہ طالبہ پر تیزاب حملہ، چہرہ وجسم جھلس گیا، ملزم گرفتار نہ ہوسکا

نیویارک : امریکا میں 21 پاکستانی طالبہ پر تیزاب پھینکنے والا ملزم تاحال پولیس کی گرفت میں نہ آسکا، نافیہ فاطمہ کے والد نے ملزم کی گرفتاری میں مدددینےوالے کو 10 ہزار ڈالرانعام کااعلان کردیا۔

نیویارک کے علاقے لانگ آئی لینڈ میں پاکستانی طالبہ پر تیزاب پھینکا گیا،حملے میں 21برس کی طالبہ کا چہرہ اورجسم جھلس گیا، بینائی تک چلی گئی،نافیہ فاطمہ اکرام پر حملہ 17مارچ کی شب کیا گیا تھا جبکہ ملزم پکڑانہ جاسکا۔

مزید پڑھیں: بھائی سے جھگڑا، دیور نے بھابھی پر تیزاب پھینک دیا، ملزم گرفتار

نافیہ فاطمہ کے والد ٹاپ شیف میزبان پدما لکشمی کے ذاتی ڈرائیور شیخ اکرام کا کہنا ہے کہ یہ نسلی منافرت کا واقعہ نہیں بلکہ نافیہ کو ٹارگٹ کرکے نشانہ بنایا گیا،ان کا کہنا ہے کہ بیٹی پر حملہ کرنےوالا جانتا تھا کہ نافیہ کس وقت دفترجاتی ہے،کس وقت لوٹتی ہے۔

شیخ اکرام نے کہا ہے کہ نافیہ کے علاج کے لیے اب تک ساڑھے 3 لاکھ ڈالرجمع کیے جاچکے ہیںجبکہ ملزم کی گرفتاری میں مدددینےوالے کو 10 ہزار ڈالرانعام دیا جائیگا۔