گوگل نیوز پر ہمیں فالو کریںنیویارک:اقوام متحدہ میں پاکستان کے مستقل مندوب منیر اکرم نے کہا ہے کہ انہیں یقین ہے کہ کشمیریوں کی حق خودارادیت کے حصول اور بھارت کے غیرقانونی قبضے سےآزادی کی جدوجہد کامیابی سے ہمکنار ہو گی، کشمیرمیں بھارت کے ظلم وجبر اور غیرقانونی قبضے کو بے نقاب کرتے رہیں گے۔
نیویارک میں یوم یکجہتی کشمیر کے موقع پر اقوام متحدہ کے نام اپنے پیغام میں پاکستان کے مستقل مندوب منیر اکرم نے کہا کہ کشمیر پاکستان ک شہ رگ اور ناقابل تنسیخ حصہ ہے۔پاکستانی قوم ہمیشہ بھارتی جارحیت اور دباؤ کے خلاف اپنے کشمیری بھائیوں کے ساتھ مضبوطی سے کھڑی رہی ہے اور ہمیشہ ان کے ساتھ کھڑی رہے گی۔
منیراکرم نے کہا کہ وزیراعظم عمران خان نے کشمیریوں کے حقوق کی پرزور وکالت کرتے ہوئے جموں و کشمیر میں بھارت کی جانب سے جاری انسانی حقوق کی سنگین خلاف ورزیوں کو عالمی سطح پر اجاگر کیا ہے اور دنیا کو باور کرایا ہے کہ جنوبی ایشیا میں پائیدار امن اور سلامتی کے لیے تنازعہ کشمیر کا منصفانہ حل ضروری ہے۔
مزید پڑھیں:ملک بھر میں آج یوم یکجہتی کشمیر منایا جا رہا ہے
