گوگل نیوز پر ہمیں فالو کریںپی سی بی مینجمنٹ کمیٹی کے چیئرپرسن ذکا اشرف نے پاک بھارت میچ سے قبل احمد آباد میں پاکستان کرکٹ ٹیم سے ملاقات کی، اس دوران انہوں نے ٹیم کو ورلڈ کپ میں اچھی کارکردگی دکھانے کے لئے متحرک کیا اور کھلاڑیوں کا حوصلہ بڑھایا۔
پی سی بی مینجمنٹ کمیٹی کے چیئرپرسن ذکا اشرف کا کہنا تھا کہ آپ لوگ ملک کے ہیرو ہیں اور پاکستان میں ہر کوئی آپ کے لیے دعاگو ہے۔
ذکااشرف نے کھلاڑیوں کو بھارت کے خلاف کسی دباؤ کے بغیر کھیلنے کی ہدایت کرتے ہوئے کہا کہ کھلاڑی ہار جیت کے خوف کو ذہن سے نکال کر میدان میں اتریں، کھلاڑی 100 فیصد کارکردگی دکھائیں فتح مقدر بنے گی۔
ذکا اشرف نے کھلاڑیوں کے لیے نیک تمناوں کا اظہار کرتے ہوئے کہا کہ پوری قوم ٹیم کی کامیابی کیلئے دعاگو ہے۔
