دورہ پاکستان، انگلینڈ کی ٹیم کے ہمراہ شیف بھی آئے گا

لندن: انگلینڈ کی کرکٹ ٹیم نے دورہ پاکستان کیخلاف تین میچوں پر مشتمل ٹیسٹ سیریز کے لیے ایک شیف کو بھی اسکواڈ میں شامل کیا ہے۔

ذرائع کے مطابق ٹی ٹونٹی ورلڈکپ سے قبل انگلش ٹیم نے سات ٹی ٹوئنٹی میچز کیلئے پاکستان کا دورہ کیا تھا، جس میں کھلاڑیوں اور سپورٹ اسٹاف نے کھانے سے متعلق رائے دی تھی کہ زیادہ اچھا نہیں تھا جبکہ بعض کھلاڑیوں کو پیٹ کی خرابی کا سامنا بھی کرنا پڑا تھا۔

رپورٹ میں کہا گیا ہے کہ عمر میزان انگلینڈ ٹیم کے شیف ہوں گے، انہوں نے 2018ء کے فیفا ورلڈکپ اور یورو 2020ء کے دوران انگلینڈ کی مینز ٹیم کے ساتھ کام کیا تھا۔

یاد رہے کہ دونوں ممالک کے درمیان تین میچوں پر مشتمل ٹیسٹ سیریز کا آغاز یکم دسمبر سے راولپنڈی میں ہوگا جبکہ بقیہ دو میچز ملتان اور کراچی میں کھیلے جائیں گے۔

مزید پڑھیں:انگلینڈ کیخلاف ٹیسٹ سیریز ، 18 رکنی قومی اسکواڈ کا اعلان

یہ پہلا موقع ہے کہ انگلینڈ اینڈ ویلز کرکٹ بورڈ بیرون ملک دورے کے لیے خاص طور پر ملازم شیف کو لارہا ہے۔