گوگل نیوز پر ہمیں فالو کریںاسلام آباد: پاکستان عالمی ادارے اقوامِ متحدہ میں اسلاموفوبیا اور توہینِ رسالت کے خلاف قرارداد منظور کرانے میں کامیاب ہوگیا ہے جس پر وفاقی وزیر علی زیدی نے مسرت کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی حیدر زیدی نے کہا کہ ہم وزیرِ اعظم عمران خان کی قیادت کو مبارکباد دیتے ہیں کہ انہوں نے عالمی سطح پر اسلاموفوبیا کے مسئلے کو اجاگر کیا۔
پیغام میں وفاقی وزیر علی زیدی نے کہا کہ اقوامِ متحدہ کی جنرل اسمبلی نے پاکستان کی لائی ہوئی قرارداد کو منظور کیا ہے جس میں مقدس مذہبی علامات کی عزت و احترام کو ضروری قرار دیتے ہوئے رسول اکرم ﷺ کی توہین کو قابلِ مذمت قرار دیا گیا ہے۔
Bravo to the leadership of PM @ImranKhanPTI in highlighting the issue of Islamophobia. UNGA adopted Pak sponsored resolution respecting sacred religious symbols, making blasphemy of Prophet Mohammad SAWW in the name of freedom of expression reprehensible!https://t.co/dBNBKJLCvy
— Ali Haider Zaidi (@AliHZaidiPTI) December 6, 2020
یاد رہے کہ اِس سے قبل وزیرِ خارجہ شاہ محمود قریشی نے اقوامِ متحدہ سے مطالبہ کیا کہ اسلام مخالف سرگرمیوں (اسلاموفوبیا) کے خلاف عالمی دن منانے کی منظوری دی جائے۔
وزیرِ خارجہ شاہ محمود قریشی نے 30 ستمبر کو اقوامِ متحدہ کے اجلاس سے ورچؤل خطاب کرتے ہوئے کہا کہ دنیا بھر میں جان بوجھ کر اشتعال انگیزی پھیلانے اور اسلام کے خلاف نفرت کے اظہار کی مذمت کیلئے اسلامو فوبیا کا عالمی دن منایا جائے جس کی منظوری اقوامِ متحدہ کو دینی چاہئے۔
مزید پڑھیں: اقوامِ متحدہ اسلاموفوبیا کے خلاف عالمی دن منانے کی منظوری دے
