کراچی : پاکستان اسٹاک مارکیٹ میں کاروباری ہفتے کے پہلے روز پیر کو زبردست مندی کا رجحان ریکارڈ کیا گیا ۔
کے ایس ای100انڈیکس کی 42ہزار کی نفسیاتی حد گرگئی اور انڈیکس 1027.06پوائنٹس کی کمی سے41296.24پوائنٹس کی سطح پرآگیا ۔
90.52فیصد کمپنیوں کے حصص کی قیمتوں میں کمی ریکارڈکی گئی جس سے سرمایہ کاروں کو ایک کھرب 68ارب21کروڑ47لاکھ روپے کا نقصان اٹھانا پڑا ۔
کاروباری حجم بھی گزشتہ ٹریڈنگ سیشن نسبت کی17.42فیصدکم رہا۔پاکستان اسٹاک ایکس چینج میں پیر کوٹریڈنگ کے آغاز سے ہی مندی کا رجحان دیکھنے میں آیا ۔
ایران امریکہ کشیدگی کے پیش نظر غیر ملکی سرمایہ کاروں کی جانب سے حصص فروخت کادباؤ رہا جس کے باعث کے ایس ای100انڈیکس42ہزار کی نفسیاتی حد سے گرتے ہوئے 41206پوائنٹس کی نچلی سطح پر جاپہنچا بعد میں 90پوائنٹس کی ریکوری آئی لیکن مارکیٹ مندی کی گرداب سے نہ نکل سکی ۔
مارکیٹ کے اختتام پر کے ایس ای100انڈیکس 1027.06پوائنٹس کی کمی سے41296.24پوائنٹس پر بند ہوا۔اسی طرح کے ایس ای 30انڈیکس 465.66پوائنٹس کی کمی سے 19009.10پوائنٹس اور کے ایس ای آل شیئرز انڈیکس 628.48پوائنٹس کی کمی سے29145.52پوائنٹس پر بند ہوا۔
مزید پڑھیں: اداکارہ مہوش حیات کا ڈاکٹر عامر لیاقت حسین کو ”مرد” بننے کا مشورہ