گوگل نیوز پر ہمیں فالو کریںاسلام آباد: وزیر اعظم شہباز شریف نے کہا ہے کہ ترک عوام کو بھرپور مدد فراہم کرنے کیلئے کوئی کسر اٹھا نہیں رکھی جائے گی، زلزلہ سے متاثرہ ترکی کے لیے 10 ارب روپے کا ریلیف فنڈ قائم کرنے کا اعلان کرتے ہوئے عوام سے برادر ملک کے متاثرین کے لیے دل کھول کر عطیات دینے کی اپیل کی ہے۔
ذرائع کے مطابق یہ اعلان وزیر اعظم شہباز شریف نے جمعہ کو لاہور ایئرپورٹ پر ترکی کے لئے امدادی سامان روانہ کرنے کے موقع پر میڈیا سے گفتگو کرتے ہوئے کیا۔
The people of Pakistan cannot forget how Türkiye came forward to help us at the time of earthquake of 2005 & super floods of 2010. The Islamic concept of brotherhood binds us in a unique relationship where we share the pain of each other. https://t.co/PP9eTnbhlK
— Shehbaz Sharif (@CMShehbaz) February 10, 2023
تقریب سے خطاب کرتے ہوئے وزیر اعظم شہباز شریف نے کہا کہ نیشنل ڈیزاسٹر منیجمنٹ اتھارٹی (این ڈی ایم اے) فنڈ سے امدادی اشیاء – جیسے خیمے، کپڑے، کمبل اور خشک خوراک خرید کر ترکی بھجوائے گی۔
ترکی اور شام میں زلزلے کے بعد بڑھتی ہوئی ہلاکتوں اور انفراسٹرکچر کی تباہی پر تشویش کا اظہار کرتے ہوئے انہوں نے کہا کہ زلزلے کے بعد ترک صدر سے فوری رابطہ کیا گیا اور انہیں اس نازک صورتحال میں ترکی کے عوام کو ہر ممکن تعاون کی یقین دہانی کرائی۔
انہوں نے کہا کہ پاکستان کے 220 ملین عوام آزمائش کی اس گھڑی میں ترکی کے عوام کے ساتھ کھڑے ہیں۔
وزیر اعظم نے کہا کہ جس رات زلزلے کی اطلاع ملی، میں نے صدر اردگان کو فون کیا اور ان سے کہا کہ پاکستانی عوام، بھائیوں اور مسلمانوں کی حیثیت سے، زلزلہ زدگان کی ہر ممکن مدد کریں گے۔
وزیر اعظم شہباز نے ریمارکس دیتے ہوئے کہا کہ ملک ترکی کو کبھی نہیں چھوڑے گا۔”ترکی اور پاکستان کا رشتہ صدیوں پرانا ہے،”۔
مزید پڑھیں:آئی ایم ایف سے ڈیل کے تحت 170 ارب روپے کے نئے ٹیکسز لگانا ہونگے، اسحاق ڈار
انہوں نے یاد دلایا کہ پاکستان میں 2005 کے زلزلے کے دوران، ترکی نے قدم بڑھایا اور اس وقت تک ملک کی مدد کی جب تک کہ ”آخری شخص کو گھر منتقل نہیں کیا گیا”۔ ”آج ہمیں اسی جذبے کے ساتھ آگے بڑھنا ہے۔“
