گوگل نیوز پر ہمیں فالو کریںپاکستان ریلوے نے کراچی میں ٹریفک کا دباؤ کم کرنے اور سڑکوں کی حفاظت کو بہتر بنانے کے لیے خصوصی فریٹ کوریڈور کا منصوبہ تیار کرلیا۔
نجی چینل ایکسپریس نیوز نے رپورٹ کیا ہے کہ پاکستان ریلوے نے کراچی پورٹ سے پپری تک کے ڈیڈیکیٹڈ فریٹ کوریڈور (DFC) کے منصوبے کا اعلان کیا ہے، جس کا مقصد کراچی میں ٹریفک کے دباؤ کو کم کرنا اور سڑکوں کی حفاظت کو بہتر بنانا ہے۔
یہ اہم منصوبہ ڈی پی ورلڈ اور این ایل سی کے اشتراک سے سرمایہ کاری کے تحت مکمل کیا جائے گا۔ آج اس منصوبے میں ایک اہم سنگِ میل عبور کرلیا گیا ہے جو پاکستان میں جدید، محفوظ اور پائیدار ٹرانسپورٹ کے نظام کی طرف ایک بڑا قدم ہے۔
یہ منصوبہ نہ صرف کارگو ٹرانسپورٹیشن کو مؤثر بنائے گا بلکہ ملک کی معاشی ترقی اور خطے کی تجارتی سرگرمیوں میں اضافے میں بھی نمایاں کردار ادا کرے گا۔
