گوگل نیوز پر ہمیں فالو کریںڈویژنل سپرنٹینڈنٹ محمد ناصر خلیلی کی ہدایت پر کراچی ایئرپورٹ ریلوے اسٹاپ کے قریب 9ہزار200 اسکوائر فٹ ریلوے کی قیمتی اراضی پر قبضہ کیخلاف اینٹی انکروچمنٹ آپریشن کیا گیا۔
آج کے جاری کردہ شیڈول کے مطابق ریلوے افسران (ای این) میاں اعجاز احمد تاج کراچی سٹی (اے ای این ) توقیر ممتاز شاہ پراپرٹی اینڈ لینڈ وریلوے پولیس اور دیگر عملہ کے ہمراہ ریلوے لینڈ ریلوے کلومیٹر نمبر 21/4 کالونی گیٹ تا 21/14 نزد ریلوے اسٹیشن ائیرپورٹ اپ سائیڈ ریلوے ٹریک پر قائم غیر قانونی تعمیرات کو مسمار کروانے کے لئےاینٹی انکروچمنٹ آپریشن کیا گیا۔
اس موقع پرکراچی کینٹ کے تھانہ ریلوے پولیس اسٹیشن ایس ایچ او جاوید اقبال کی سربراہی میں دوران انکروچمنٹ آپریشن کوئی ناخوشگوار واقعہ پیش نہ آیا اور تمام قابضین سے زمین واگذار کرالی گئی۔
دوسری جانب چیئرمین ریلوے مظہر علی شاہ نے میڈیا نمائندگان کو بتایا کہ ریلوے پبلک پراپرٹی ہے، ایک ایک انچ کی حفاظت کریں گے۔
