گوگل نیوز پر ہمیں فالو کریںپاکستان نے تیسرے ٹی20 میچ میں میزبان ٹیم آسٹریلیا کے لیے 118 رنز کا ہدف دیا ہے، جہاں گرین شرٹس کو اس سیریز میں وائٹ واش کے خطرے کا سامنا ہے کیونکہ وہ اپنے دونوں پچھلے میچز ہار چکے ہیں۔
پاکستان نے پیر کے روز تیسرے میچ میں ٹاس جیت کر پہلے بیٹنگ کرنے کا فیصلہ کیا۔ اوپنرز صاحبزادہ فرحان اور سابق کپتان بابر اعظم نے اعتماد کے ساتھ اننگز کا آغاز کیا اور ایک مضبوط اوپننگ اسٹینڈ فراہم کیا۔
17 رنز پر صاحبزادہ فرحان کو اسپینسر جانسن کی گیند پر ایکزویئر بارٹلیٹ نے کیچ کر لیا، وہ 7 گیندوں پر 9 رنز بنا کر آؤٹ ہوئے۔ بابر اعظم نے اپنی اننگز جاری رکھی جبکہ وکٹ کیپر بیٹر حسیب اللہ خان ان کے ساتھ کریز پر آئے اور 19 گیندوں پر 24 رنز کی قیمتی اننگز کھیل کر آؤٹ ہو گئے۔
حسیب اللہ کو ایڈم زمپا کی گیند پر میٹ شورٹ نے کیچ کر لیا جس کے بعد پاکستان کا اسکور 61 پر 2 وکٹوں تک پہنچا۔ تیسری وکٹ اس وقت گری جب عثمان خان 4 گیندوں پر 3 رنز بنا کر آؤٹ ہو گئے، اور پاکستان کا اسکور 64 تھا۔
پاکستان نے چوتھی وکٹ 70 رنز پر کھوئی، جب کپتان سلمان علی آغا ایئرن ہیڈی کی گیند پر ایل بی ڈبلیو ہو گئے، انہوں نے 9 گیندوں پر صرف 1 رن بنایا۔ ان کے آؤٹ ہونے کے بعد بابر اعظم اور عرفان خان نے پاکستان کے اسکور کو مزید بڑھانے کے لیے شراکت داری بنائی۔
سابق کپتان بابر اعظم 28 گیندوں پر 41 رنز بناکر آؤٹ ہوئے، جب پاکستان کا اسکور 91 رنز تھاجبکہ عرفان خان بھی جلد ہی 8 گیندوں پر 10 رنز بنا کر آؤٹ ہو گئے اور پاکستان کا اسکور 92 رنز تھا۔ پاکستان نے اپنی ساتویں وکٹ 92 رنز پر کھوئی، آٹھویں اور نویں وکٹ 166 رنز پر، اور دسویں اور آخری وکٹ 117 رنز پر گری۔
عباس آفریدی 1 رن بنا کر آؤٹ ہوئے، شاہین آفریدی نے 16 رنز بنائے، جہانداد خان نے 5 رنز بنائے، اور صفیان مقیم بھی 1 رن پر آؤٹ ہو گئے۔ اس کے نتیجے میں آسٹریلیا کو 118 رنز کا ہدف ملا ہے، جو اگر وہ حاصل کر لیتے ہیں تو 3-0 سے سیریز جیت جائیں گے۔
