گوگل نیوز پر ہمیں فالو کریںاسلام آباد: ترجمان دفترِ خارجہ عائشہ فاروقی نے بھارتی وزارتِ خارجہ کے بیان پر ردِ عمل دیتے ہوئے کہا ہے کہ پاکستان بھارتی بیان کی شدید مذمت کرتا ہے۔
سماجی رابطے کی ویب سائٹ ٹوئٹر پر اپنے پیغام میں ترجمان دفترِ خارجہ عائشہ فاروقی نے کہا کہ پاکستان بھارتی وزارتِ خارجہ کے ترجمان کا بیان مسترد کرتا ہے۔
پیغام میں ترجمان دفترِ خارجہ عائشہ فاروقی نے کہا کہ بھارتی وزارتِ خارجہ کی طرف سے جو بیان آیا وہ انتہائی غیر ذمہ دارانہ اور مکمل طور پر بدنیتی پر مبنی ہے۔
بھارتی بیان پر تبصرہ کرتے ہوئے ترجمان دفترِ خارجہ نے کہا کہ بھارتی وزارتِ خارجہ نے گزشتہ روز پاکستانی قیادت پر انتہائی غیر ذمہ دارانہ تبصرہ کیا جس کی شدید مذمت کرتے ہیں۔
عائشہ فاروقی نے کہا کہ بھارتی وزارتِ خارجہ کا بیان مودی حکومت کے اس بیانیے کی ترجمانی کرتا ہے جس کے تحت بھارتی حکومت اقلیتوں بالخصوص مسلمانوں کو تختۂ مشق بنا رہی ہے۔
انہوں نے کہا کہ بھارت میں اقلیت دشمنی صرف بھارتی اقلیتوں اور ہمسایہ ممالک کا ہی نہیں بلکہ عالمی برادری کا مسئلہ بن گیا ہے جو کورونا وائرس کے تناظر میں شدید اہمیت اختیار کر گیا ہے۔
ترجمان دفترِ خارجہ نے کہا کہ کورونا وائرس کے دوران بھی بھارتیہ جنتا پارٹی اور آر ایس ایس کے ہندوتوا ایجنڈے کو پروان چڑھایا جارہا ہے۔ بھارت کی مسلم دشمن پالیسیاں عروج پر ہیں۔
#Pakistan rejects the Indian MEA Spokesperson’s irresponsible and completely ill-founded remarks relating to comments of Pakistani leadership.
????https://t.co/KgtRPzbfB5 pic.twitter.com/ey7aeLwfpE— Ministry of Foreign Affairs – Pakistan (@ForeignOfficePk) April 21, 2020
