پاک فوج نے فضائی حدود کی خلاف ورزی پربھارتی کواڈ کوپٹر مار گرایا

راولپنڈی :آج ایل او سی کے ساتھ سانکھ سیکٹر میں ہندوستانی کواڈ کوپٹر فضائی حدود کی خلاف ورزی کرتے ہوئے پاکستان کی حدودمیں گھسنے پر پاک فوج نے مار گرایا۔

اس اشتعال انگیزی میں بھارتی کواڈکوپٹر نگرانی کے عمل کے لئے پاکستان کے علاقے میں 600 میٹر تک گھس آیا تھا،پاک فوج نے بھارتی کواڈکوپٹر پر فائرنگ کرکے اشتعال انگیزکارروائی کا موثرانداز میں جواب دیا۔

ہندوستانی فوج کی اس طرح کی غیر منظم حرکتیں دونوں ممالک کے مابین موجودہ اصولوں ، موجودہ فضائی معاہدے کی خلاف ورزی ہیں اور 2003 کے سیز فائر افہام و تفہیم پر ہندوستانی فوج کی مستقل نظرانداز کی عکاسی کرتی ہیں۔

مزید پڑھیں:ہندوستان مسلسل لائن آف کنٹرول کی خلاف ورزیاں کر رہا ہے، وزیر خارجہ

بھارتی فوج کی جانب سے لائن آف کنٹرول پر فائرنگ کا سلسلہ بھی جاری رہتا ہے جس کے باعث اکثر وبیشتر معصوم انسانی جانوں کا ضیاع بھی ہوتا ہے۔