گوگل نیوز پر ہمیں فالو کریںاسلام آباد/ تہران: پاکستان اور ایران کے وزرائے خارجہ نے دہلی میں مسلم کش فسادات پر تشویش کا اظہار کرتے ہوئے کہا ہے کہ بھارت آر ایس ایس کے غنڈوں کو لگام دے۔
سماجی رابطے کی ویب سائٹ ٹوئٹر پر گزشتہ روز ایرانی وزیرِ خارجہ جواد ظریف نے اپنے پیغام میں کہا کہ ایران بھارتی مسلمانوں پر منظم تشدد کی لہر کی مذمت کرتا ہے۔
ایرانی وزیرِ خارجہ جواد ظریف نے کہا کہ صدیوں تک ایران بھارت کا دوست رہا۔ بھارتی اربابِ اختیار تمام بھارتیوں کی زندگی کا ماحول پر امن بنائیں اور بے حسی اور ظلم و تشدد کو آگے نہ بڑھنے دیں۔
دہلی میں مسلم کش فسادات کی مذمت کرتے ہوئے وزیر خارجہ جواد ظریف نے کہا کہ اگر اس مسئلے کا حل چاہتے ہیں تو آگے کا راستہ پر امن گفت و شنید اور قانون کے نفاذ میں ہے۔
ٹوئٹر پر گزشتہ روز ہی اپنے پیغام میں وزیر خارجہ شاہ محمود قریشی نے ایرانی ہم منصب کو ردِ عمل دیتے ہوئے کہا کہ میرے بھائی جواد ظریف کو جو تشویش لاحق ہے، اتنا ہی افسوس دہلی فسادات پر ہمیں بھی ہے۔
پیغام میں وزیر خارجہ شاہ محمود قریشی نے کہا کہ بھارتی مسلمان آج آر ایس ایس کے تشدد پسند جتھوں کی طرف سے شدید ظلم و ستم کا شکار ہیں۔ بھارت کمیونل ظلم و تشدد کی بد ترین مثال بنتا جارہا ہے۔
وزیر خارجہ شاہ محمود قریشی نے کہا کہ بھارت کی طرف سے مسلمانوں کا منظم بنیادوں پر قتلِ عام غیر انسانی اور پورے خطے کے امن کے لیے انتہائی خطرناک ہے۔
Fully share the concerns expressed by my brother @JZarif on safety and well-being of Indian Muslims facing naked violence from RSS mobs. India is in throes of grave communal violence. Their sinister & systemic killing of Muslims is inhuman & dangerous for whole region. https://t.co/MrMZOBSKlu
— Shah Mahmood Qureshi (@SMQureshiPTI) March 3, 2020
