گوگل نیوز پر ہمیں فالو کریںاٹک: پاک فضائیہ کا ایک طیارہ آج معمول کی تربیتی پرواز کے دوران گر کر تباہ ہوگیا جس کے نتیجے میں کوئی جانی نقصان نہیں ہوا، تاہم ائیر فورس نے حادثے کی تحقیقات شروع کردی ہیں۔
تفصیلات کے مطابق یہ حادثہ اٹک کی تحصیل پنڈی گھیب کے قریب پیش آیا جہاں پاک فضائیہ کا طیارہ معمول کی تربیتی پرواز کے دوران گر کر تباہ ہوا جس سے میں موجود پائلٹ محفوظ رہے۔
ترجمان پاک فضائیہ کے بیان کے مطابق طیارے کے پائلٹ جہاز سے بحفاظت اُترنے میں کامیاب رہے جبکہ زمین پر طیارے کے گرنے سے کسی جانی و مالی نقصان کی کوئی اطلاع موصول نہیں ہوئی۔ واقعے کی وجوہات پر تفتیش کیلئے ائیر ہیڈ کوارٹرز نے ایک اعلیٰ سطحی بورڈ تشکیل دے دیا ہے۔
یاد رہے کہ اِس سے قبل وفاقی دارالحکومت اسلام آباد میں 23 مارچ کے ائیرشو کی ریہرسل کے دوران طیارہ گر گیا جس کے نتیجے میں ونگ کمانڈر نعمان اکرم شہید ہو گئے تھے۔
اسلام آباد کے علاقے شکرپڑیاں میں رواں برس 11 مارچ کو طیارہ گرنے کے بعد اس کی فوٹیج بھی سامنے آ گئی جس میں طیارہ گرنے کے بعد درختوں کے عقب سے دھویں کے بادل اٹھتے دیکھے گئے۔
مزید پڑھیں: اسلام آباد میں پاک فضائیہ کا طیارہ گرنے سے ونگ کمانڈر شہید
