راولپنڈی: پاک فوج کے سربراہ جنرل قمر جاوید باجوہ نے کہا ہے کہ پاک فوج کشمیریوں کی جائز جدوجہد کے لیے کسی بھی حد تک جاسکتی ہے۔ ہم اپنی ذمہ داری نبھانے کے لیے مکمل طور پر تیار ہیں۔
ڈی جی آئی ایس پی آر میجر جنرل آصف غفور کی طرف سےسماجی رابطے کی ویب سائٹ پر جاری کردہ پیغام کے مطابق آرمی چیف کی صدارت میں ہونے والی کور کمانڈرز کانفرنس میں بھارت کی طرف سے کیے جانے والے اقدامات کی مخالفت میں حکومتی حکمت عملی کی مکمل حمایت کا فیصلہ کیا گیا۔
جنرل قمر باجوہ نے کہا کہ آرٹیکل 370 بھارتی تسلط کو قانونی بنانے کے لیے تھا جسے پاکستان نے کبھی تسلیم نہیں کیا۔ اب بھارت کی طرف سے یہ کھوکھلا بہانہ ختم کردیا گیا ہے۔ کشمیر پر بھارتی تسلط کی شدید مذمت کرتے ہیں۔
انہوں نے کہا کہ پاکستانی فوج کشمیریوں کی جائز جدوجہد کی کامیابی تک ساتھ نبھائے گی۔ ہم اس کے لیے کسی بھی حد تک جاسکتے ہیں۔
CCC on Kashmir situation at GHQ. Forum fully supported Government’s rejection of Indian actions regarding Kashmir. Pakistan never recognised the sham Indian efforts to legalise its occupation of Jammu & Kashmir through article 370 or 35-A decades ago; …(1of2). pic.twitter.com/MlwNJTSDGa
— DG ISPR (@OfficialDGISPR) August 6, 2019
(continued)
….efforts which have now been revoked by India itself.
“Pakistan Army firmly stands by the Kashmiris in their just struggle to the very end. We are prepared and shall go to any extent to fulfil our obligations in this regard”, COAS affirmed.(2of2). pic.twitter.com/tkbnGbGs0A— DG ISPR (@OfficialDGISPR) August 6, 2019
واضح رہے کہ آج مسئلہ کشمیر پر پاکستان کی مشترکہ پارلیمنٹ کا اجلاس ہو رہا ہے جس میں وزیر اعظم عمران خان سمیت تمام اہم وفاقی وزراء اور اپوزیشن کے اہم رہنما شرکت کر رہے ہیں۔
مزیدپڑھیئے: کشمیر کی بگڑتی صورتحال: پارلیمنٹ کا مشترکہ اجلاس آج ہوگا۔