75واں یومِ آزادی، صدر نے قیدیوں کی سزاؤں میں کمی کا اعلان کردیا

صدر پاکستان ڈاکٹر عارف علوی نے پاکستان کے 75ویں یوم آزادی کے موقع پر قیدیوں کی سزاؤں میں کمی کا اعلان کیا ہے۔

آرٹیکل 45 کے تحت صدرعارف علوی کی جانب سے قیدیوں کی سزاؤں میں کمی کی گئی ہے۔

اعلان کے مطابق  65 سال یا اس سے زائد عمر کے مرد قیدی جو 15سال يا زیادہ قید کاٹ چکے ہیں ان کی بقیہ سزا میں مکمل چھوٹ کا اعلان کردیا گیا ہے۔

جبکہ 60 سال یا زائد عمر کی خواتین جو 10 سال یا زیادہ قید کاٹ چکی ہیں ان کی بقیہ سزا میں بھی مکمل چھوٹ کا اعلان کیا گیا ہے۔

اس کے علاوہ قید کی سزا کا تین چوتھائی حصہ کاٹنے والے اور 20 سال کی قید مکمل کرنے والوں قیدیوں کی سزا میں مکمل چھوٹ کا اعلان بھی کیا گیا ہے۔