گوگل نیوز پر ہمیں فالو کریںکراچی: وزیر اطلاعات سندھ سعید غنی نے کہا ہے کہ دوسروں کے چہروں پر مسکراہٹیں بکھیرے والے مرحوم کامیڈین عمر شریف کی خواہش کے مطابق ان کی تدفین حضرت عبداللہ شاہ غازی قبرستان کے احاطے میں کی جائے گی۔
سماجی رابطے کی ویب سائٹ ٹوئٹر پر پیغام شیئر کرتے ہوئے وزیر اطلاعات سندھ سعید غنی نے کہا ہے کہ ” مرحوم عمر شریف کی خواہش کے مطابق انکی تدفین حضرت عبداللہ شاہ غازی قبرستان میں کرنے کے انتظامات سندھ حکومت کررہی ہے۔”
مرحوم عمر شریف کی خواہش کے مطابق انکی تدفین حضرت عبداللہ شاہ غازی قبرستان میں کرنے کے انتظامات سندھ حکومت کررہی ہے۔
— Senator Saeed Ghani (@SaeedGhani1) October 2, 2021
دوسری جانب مرحوم اداکارہ ، صداکار اور کامیڈین کنگ عمر شریف کے صاحبزادے جواد عمر نے کہا ہے کہ ان کے والد نے سندھ حکومت سے خواہش کی تھی کہ تدفین عبداللہ شاہ غازی کے مزار کے قبرستان میں کی جائے۔
تاہم اب سندھ حکومت کی جانب سے عمر شریف کی خواہش کے حوالے سے بیان سامنے آگیا ہے۔
واضح رہے کہ دوسروں کے چہروں پر مسکراہٹیں بکھیرنے والے پاکستان کے معروف اداکار اور کامیڈین عمر شریف جرمنی کے اسپتال میں آج صبح انتقال کر گئے تھے۔
عمر شریف کے خاندانی ذرائع نے اداکار کی جرمنی کے اسپتال میں انتقال کی تصدیق کی۔
ان کے انتقال پر صدر اور وزیراعظم سمیت سیاسی، سماجی اور شوبز سے تعلق رکھنے والی شخصیات نے افسوس اور دکھ کا اظہار کیا۔
کراچی میں موجود عمر شریف کے بیٹے نے میڈیا سے گفتگو کرتے ہوئے تصدیق کی کہ والد اب ہم میں نہیں رہے اور خالق حقیقی سے جاملے ہیں، سب سے اپیل ہےکہ مغفرت کے لیے دعا کریں۔
یہ بھی پڑھیں : اتحاد تنظیمات مدارس کا وقف املاک بل کی واپسی تک حکومت سے مذاکرات نہ کرنے کا اعلان
