گوگل نیوز پر ہمیں فالو کریںلاہور: پاکستانی نوجوان عثمان ارشد نے اپنے مقامِ پیدائش اوکاڑہ سے پاک چین سرحد خنجراب تک پیدل 1 ہزار 270 کلومیٹر کا طویل ترین فاصلہ 34 روز میں طے کرنے میں کامیابی حاصل کرکے ایک منفرد ریکارڈ اپنے نام کیا ہے۔
تفصیلات کے مطابق اوکاڑہ کے رہائشی عثمان ارشد نے خنجراب پاس پر پاکستان کا جھنڈا لہرا دیا۔ 1270 کلومیٹر کا فاصلہ پیدل طے کرنے والے عثمان ارشد نے کہا کہ بہادروں کا استقبال منزلیں خود کرتی ہیں جبکہ بزدل راستوں کے خوف سے مر جاتے ہیں۔
اپنی تاریخی کامیابی پر اللہ تعالیٰ کا شکر ادا کرتے ہوئے عثمان ارشد نے کہا کہ خدا تعالیٰ کے کرم سے 34 روز تک مسلسل پیدل سفر کے دوران مجھے کسی قسم کے مسائل پیش نہیں آئے۔ اللہ نے ہر قسم کی مشکل دور کی اور پریشانیوں سے بچایا۔
ایک بار پھر آپ سب لوگوں کا بے حد شکریہ ❤️ آپ لوگوں نے بہت پیار دیا ❤️ بہت دعائیں، سلامت رہیں#OkaraToKhunjrabPassByWalk#PakistanIsAPeacefulCountry#OkaraToKhunjrabPassByWalkDoneIn34Days pic.twitter.com/T1rhQzLCA3
— Usman Arshad (@usmanarshad63) September 4, 2021
دلچسپ بات یہ ہے کہ عثمان ارشد نے یہ سفر اپنی ذات کیلئے نہیں بلکہ پاکستان کا پر امن تشخص دنیا میں ابھارنے کیلئے کیا۔ ان کا کہنا ہے کہ میں دنیا کو پیغام دینا چاہتا ہوں کہ ہم ایک پر امن قوم اور پاکستان پر امن ملک ہے جو سیاحوں کیلئے جنت ثابت ہوسکتا ہے۔
پیدل سفر اوکاڑہ تا خنجراب پاس | Day 32
سوست میں ایک دن آرام کرنے کے بعد آگے کا سفر شروع کیا ہُوا ہے، آج ان شاء اللہ دِی چیک پوسٹ پر قیام ہو گا۔ زہروز بھائی مہمان نوازی پر مشکور ہوں ❤️ سلامت رہیں#OkaraToKhunjrabPassByWalk#PakistanIsAPeacefulCountry pic.twitter.com/Kwz4nScMHf
— Usman Arshad (@usmanarshad63) September 2, 2021
اوکاڑہ سے عثمان ارشد نے جی ٹی روڈ کا راستہ لے کر مختلف شہروں سے گزرتے ہوئے لاہور اور پھر خنجراب کی طرف رختِ سفر باندھا۔ دن کے وقت سفر اور رات کو آرام کرتے ہوئے مختلف دوستوں اور سیاسی و سماجی شخصیات سے بھی ملاقاتیں ہوئیں۔
وقت گزرنے کے ساتھ ساتھ عثمان ارشد اپنی مختلف تصاویر سوشل میڈیا پر بھی پوسٹ کرتے رہے جس سے عوام میں ان کے تاریخی سفر کے متعلق دلچسپی پیدا ہوئی اور لوگوں نے قوم کا نام روشن کرنے والے اس نوجوان کے متعلق قیاس آرائیاں بھی کیں۔
جواں سال عثمان ارشد کا کہنا ہے کہ مجھے طویل پیدل سفر کی اجازت میرے والدین نے دی، ان کا شکر گزار ہوں۔ یونیورسٹی کے اساتذہ اور ساتھی طلباء کا بھی شکر گزار ہوں کہ انہوں نے دعائیں دیں۔ میں نے اوکاڑہ سے پیدل سفر 27 جولائی کو شروع کیا۔
وقت گزرنے کے ساتھ ساتھ کارواں بنتا گیا اور عثمان ارشد کو بہت سے سوشل میڈیا صارفین کے علاوہ مختلف علاقوں میں بسنے والے شہریوں نے گلے لگایا اور ان کی کامیابی پر بھرپور جشن منایا۔ عثمان ارشد کا کہنا ہے کہ مجھے یہ دن ہمیشہ یاد آئیں گے۔
یہ دن یاد آئیں گے ❤️ انتہا کے محبت کرنے والے لوگ ❤️ #OkaraToKhunjrabPassByWalk#PakistanIsAPeacefulCountry pic.twitter.com/1AyWmHgINH
— Usman Arshad (@usmanarshad63) August 31, 2021
یہ بھی پڑھیں: سید علی گیلانی کے اہلِ خانہ پر مقدمہ شرمناک اقدام ہے۔وزیر اعظم
