گوگل نیوز پر ہمیں فالو کریںلاہور: پی ٹی آئی کی جانب سے پنجاب میں عام انتخابات کی تاریخ نہ دینے کے خلاف دائر کی گئی درخواست کو لاہور ہائی کورٹ نے سماعت کے لیے منظور کرلیا۔
پاکستان تحریک انصاف کی درخواست پر سماعت لاہور ہائی کورٹ کے جسٹس جواد حسن نے کی، جس میں پی ٹی آئی کی جانب سے بیرسٹر علی ظفر نے دلائل دیئے۔
تحریک انصاف کے جنرل سیکرٹری اسد عمر اور سابق سپیکر سبطین خان، میاں اسلم اقبال، شبلی فراز، علی ساہی بھی سماعت کے دوران کمرہ عدالت میں موجود تھے۔
دلائل دیتے ہوئے بیرسٹر علی ظفر نے کہا کہ اسمبلی تحلیل ہونے کے 90روز کے اندار الیکشن ہونا ہوتے ہیں جب کہ گورنر پنجاب نے تاحال الیکشن کی تاریخ کا اعلان نہیں کیا، عدالت گورنر کو الیکشن کی تاریخ کا اعلان کرنے کی ہدایت دے۔
جسٹس جواد حسن نے ریمارکس دیتے ہوئے کہا کہ میں اس بات پر آپ سے متفق ہوں کہ 90 روز میں الیکشن ہونے چاہئیں، سوال یہ ہے کہ الیکشن کی تاریخ کا اعلان کون کر رہے ہیں، آپ سب سے پہلے الیکشن کمیشن کو فریق بنائیں۔
پاکستان تحریک انصاف کے وکیل نے کہا کہ الیکشن کمیشن نے بھی گورنر پنجاب کو الیکشن کی تاریخ دینے کے حوالے سے مراسلہ لکھا، گورنر نے تاحال کوئی جواب نہیں دیا، اس مؤقف پر الیکشن کمیشن بھی ہمارے ساتھ کھڑا ہے۔
مزید پڑھیں:عمران خان کی الزام تراشی کسی صورت برداشت نہیں کریں گے۔شیری رحمان
جسٹس جواد حسن نے کہا کہ 90 دن میں الیکشن کرانے ہیں، کس نے کرانے ہیں یہ ہم ڈھونڈ لیں گے، ہم جمہوریت کے لیے جدوجہد کریں گے۔
