سیئول: شمالی کوریا کے رہنما کم جونگ نے ملک میں پہلے کوویڈ-19 کیس سامنے آنے کے بعد ایک ہنگامی اجلاس طلب کیا جس میں انہوں نے حکم دیا کہ پیونگ یانگ میں پھیلتی عالمی وبا پر قابو پانے کیلئے ہمیں ادویات کی بروقت فراہمی کیلئے فوج کی خدمات حاصل کرنی ہوگیں۔
خیال رہے کہ گزشتہ دنوں شمالی کوریا میں کورونا وائرس کا پہلا کیس سامنے آیا تھا اور اس حوالے سے ماہرین نے خبردار کیا تھا کہ ایک ایسے ملک میں کورونا کا پہلا کیس سامنے آنا جس میں طبی سامان نہ ہونے کے برابر ہے اور ویکسین کے حوالے سے بھی کسی قسم کی کوئی سہولت نہیں، ایسے میں شمالی کوریا کو بڑے خطرناک نتائج کا سامنا کرنا پڑسکتا ہے۔
شمالی کوریا کے سرکاری میڈیاکی رپورٹ کے مطابق، کورین رہنما کم جونگ اون نے کورونا وائرس کے پہلے کیس کے تصدیق ہونے پر ملک میں ایمرجنسی لاک ڈاؤن نافذ کردیا ہے۔
یہ بھی پڑھیں: وزیر اعظم کی اماراتی صدر سے ملاقات، شیخ خلیفہ بن زید کے انتقال پر تعزیت
