نعمان اعجاز کابل اور میلنڈا گیٹس کی علیحدگی پر دلچسپ تبصرہ

پاکستان کے مشہور اداکار نعمان اعجاز نے مائیکرو سافٹ کے بانی اور دنیا کے تیسرے امیر ترین شخص بل گیٹس اور ان کی اہلیہ میلنڈا گیٹس کی علیحدگی پر دلچسپ تبصرہ کیا ہے۔

اداکار نعمان اعجازنے دونوں علیحدگی کے بارے میں گفتگو کرتے ہوئے انسٹاگرام پر اپنی جوانی کی ایک تصویر شیئر کرتے ہوئے لکھا کہ اگر بل گیٹس پاکستانی ہوتے تو ہمارے میڈیا میں بریکنگ نیوز چل رہی ہوتی اورہمارا میڈیا اس معاملے پر خوب شور مچارہاہوتا۔

سماجی رابطے کی ویب سائٹ ٹوئٹر پر اپنے مشترکہ پیغام میں بل گیٹس اور ملینڈاگیٹس نے کہا کہ بہت سوچ سمجھ کر اور ازدواجی رشتے کیلئے کاوشوں کے بعد ہم دونوں نے متفقہ طور پر اپنی شادی کا رشتہ ختم کرنے کا فیصلہ کیا ہے۔

پیغام میں مائیکروسافٹ کمپنی کے بانی بل گیٹس اور اہلیہ نے کہا کہ گزشتہ 27 برس میں ہم نے 3 بہت اچھے بچوں کو پال پوس کر بڑا کیا اور ایک ایسی فاؤنڈیشن بنائی جو دنیا بھر میں لوگوں کو صحت مند اور تخلیقی زندگی گزارنے کے قابل بناتی ہے۔

بل گیٹس اور اہلیہ کا کہنا ہے کہ ہم فاؤنڈیشن میں بدستور مشترکہ کام جاری رکھیں گے لیکن زندگی کے اگلے مرحلے میں ہم ایک شادی شدہ جوڑے کے طور پر ساتھ نہیں رہ سکتے۔ زندگی کے اس نئے موڑ پر اپنے لیے کچھ وقت چاہتے ہیں۔