افغانستان میں طالبان حکومت نے آزاد الیکشن کمیشن کو تحلیل کردیا

کابل:افغانستان میں نئی آنےوالی طالبان حکومت کی جانب سے الیکشن کمیشن کوتحلیل کردیاگیا،ماضی میں اسی الیکشن کمیشن کے زیرنگرانی انتخابات منعقد ہوتے رہے تھے۔

طالبان حکومت کے ترجمان بلال کریمی نے اپنے ایک بیان میں کہا(آزاد الیکشن کمیشن اور آزاد انتخابی شکایات کمیشن کے وجود اور کام کرنے کی اب کوئی ضرورت نہیں،اگر ہم نے کبھی ضرورت محسوس کی تو اسلامی امارت ان کمیشنوں کو بحال کردے گی)۔

الیکن کمیشن کی ویب سائٹ کے مطابق 2006 میں قائم شدہ آئی ای سی کو صدارتی سمیت ہر قسم کے انتخابات کا انتظام اور نگرانی کرنے کا حکم دیا گیا تھا،افغانستان کے سابق صدراشرف غنی کی حکومت کے  زوال تک  اس انتخابی  پینل کے سربراہ رہنے والے اورنگ زیب نے بتایا کہ اس کمیشن کو تحلیل کرنے کے بہت برے نتائج برآمد ہونگے۔

یہ بھی پڑھیں:پاکستان کی ڈس انفارمیشن کے خلاف قرارداد اقوام متحدہ میں منظور

دوسری جانب انہو نے مزیدکہاکہ طالبان حکومت کی جانب سے عجلت میں یہ فیصلہ کیا گیا ہے۔انہوں نے کہا کہ اگر یہ ڈھانچا موجود نہیں تو مجھے یقین ہے کہ افغانستان کے مسائل کبھی حل نہیں ہونگے کیونکہ اب یہاں کوئی انتخابات نہیں ہونگے۔