گوگل نیوز پر ہمیں فالو کریںکراچی : پاکستان اسٹاک مارکیٹ آج کاروباری روز کے دوران ملکی تاریخ میں پہلی بار پچپن ہزار پوائنٹس کی سطح عبور کرلی، انڈیکس میں ایک ہزار سے زائد پوائنٹس کا اضافہ ریکارڈ کیا گیا۔
پاکستان اسٹاک مارکیٹ میں نیا ریکارڈ قائم ہوگیا اور انڈیکس ملکی تاریخ میں پہلی بار پچپن ہزار پوائنٹس کی سطح عبور کرگیا۔
کاروباری ہفتے کے آخری دن بھی مارکیٹ میں کاروبار کے آغاز پر ہنڈرڈ انڈیکس میں ایک ہزار سے زائد پوائنٹس کا اضافہ ریکارڈ کیا گیا۔
جس کے بعد مارکیٹ معمولی کریکشن ہوئی اور ہنڈرڈ انڈیکس نو سو پچھہتر پوائنٹس اضافے کے ساتھ 55 ہزار236 پوائنٹس کی بلند ترین سطح پر پہنچ گیا۔
ماہرین کے مطابق آئی ایم ایف کی جانب سے مثبت مذاکرات اور کرنٹ اکاؤنٹ خسارے میں کمی ہو رہی ہے، ترسیلاتِ زر میں اضافہ ہو رہا ہے۔
معاشی اشاریے بہتر ہوتے جا رہے ہیں جبکہ پاکستان میں سعودی عرب اور یواےای سے بڑی سرمایہ کاری کی توقع کی جا رہی ہے، جس سے سرمایہ کاروں میں اعتماد بحال ہو رہا ہے۔
