گوگل نیوز پر ہمیں فالو کریںکراچی: پیپلز بس سروس اسکیم کے دوسرے مرحلے کی بسوں کی کھیپ کراچی پہنچ گئی۔
سماجی رابطے کی ویب سائٹ ایکس پر جاری اپنے پیغام میں پیپلز پارٹی کے رہنما شرجیل انعام میمن نے کراچی کے شہریوں کو خوشخبری سناتے ہوئے کہا کہ پیپلز بس سروس اسکیم کے دوسرے مرحلے کی بسوں کی کھیپ کراچی پہنچ گئی ہے۔
Another Good News for the people of #Karachi. A new fleet of Buses under the scheme of People’s Bus Service ( Phase 2 ) reached today at karachi port. Brand new buses will be on the roads soon. Please don’t forget these buses were purchased By PPP’s Sindh Government under the… pic.twitter.com/mU4yjXDGbs
— Sharjeel Inam Memon (@sharjeelinam) October 22, 2023
شرجیل انعام میمن کا کہنا تھا کہ نئی بسیں عوام الناس کی سہولت کے لیے جلد سڑکوں پر ہوں گی۔
اپنے پیغام میں انہوں نے یاد دہانی کرائی کہ بھولنا نہیں کہ یہ بسیں پیپلز پارٹی کی سندھ حکومت نے خریدی تھیں اور بلاول بھٹو زرداری کی ہدایات پر بسوں کی خریداری کی گئی تھی۔
خیال رہے کہ پیپلزپارٹی کی سابقہ صوبائی حکومت نے گزشتہ سال پیپلز بس سروس کا آغاز کیا جون 2022 میں بس سروس کا افتتاح پیپلز پارٹی کے چیئرمین بلاول بھٹو زرداری نے کیا تھا جس میں 250 بسیں پہلے لائی گئی اب مزید تیس بسیں آئی ہیں پیپلز بس سروس کے تحت بسوں کی مجموعی تعداد 280 ہوگئی ہے۔
پیپلز بس سروس بسیں کراچی، لاڑکانہ حیدرآباد اور سکھر میں چل رہی ہیں جبکہ کراچی میں خواتین کے لئے مخصوص پنک بس سروس بھی چلائی جارہی ہے۔
