گوگل نیوز پر ہمیں فالو کریںعالمی اسٹریمنگ پلیٹ فارم نیٹ فلکس پر فلمز اور سیریز کی صورت میں ناظرین و سامعین کیلئے دستیاب بے شمار مواد کو وقت گزاری کا بہترین ذریعہ قرار دیا جاسکتا ہے۔
نیٹ فلکس پر شوز سے لے کر سیریز تک ہر قسم کا مواد موجود ہے، نیٹ فلکس نے حال ہی میں ایک رپورٹ پیش کی ہے جس میں یہ بتایا گیا ہے کہ 2022 میں ناظرین و سامعین کی 60 فیصد تعداد نے کورین مواد میں زیادہ دلچسپی لی۔
کورین سیریز ایکسٹرا آرڈینری اٹارنی وو 20 ہفتوں تک ٹاپ 10 کی فہرست میں شامل رہی۔ نیٹ فلکس پر جو کورین سیریز سب سے زیادہ مقبول ہوئیں اُن میں اسکوئڈ گیمز، ایکسٹرا آرڈینری اٹارنی وو اور آل آف اَز آر ڈیڈ شامل ہیں جبکہ اِن تینوں میں اسکوئڈ گیمز سرِ فہرست رہی۔
2022 میں پاکستانیوں نے گوگل پر سب سے زیادہ کیا سرچ کیا؟
مزید برآں کورین سیریز کے مداحواں کے لئے خوشخبری ہے کہ بہت جلد نیٹ فلکس پر نئی سیریز شروع ہونے والی ہیں جس میں مشہور ڈیٹنگ رئیلیٹی شو سنگلز انفرنو کے سیزن 2 کا کل سے آغاز ہورہا ہے، سیریز دی فیبیولس 23 دسمبر سے شروع ہوگی اور مشہور کورین اداکار سنگ ہئی کو کی ریوینج تھرلر سیریز دی گلوری کا پریمیئر 30 دسمبر کو ہوگا۔
