نیشنل کمانڈ اینڈ آپریشن سینٹر کا تعلیمی ادارے کھولنے سے  متعلق اہم اجلاس بے نتیجہ ختم

اسلام آباد: نیشنل کمانڈ اینڈ آپریشن سینٹر (این سی او سی) کا تعلیمی ادارے کھولنے سے  متعلق اہم اجلاس بے نتیجہ ختم ہو گیا۔

تفصیلات کے مطابق وفاقی وزیر منصوبہ بندی اسد عمر کی زیر صدارت این سی او سی کا اہم اجلاس ہوا نیشنل کمانڈ اینڈ آپریشن سینٹر میں ہوا۔ اجلاس میں وزارت صحت نے کورونا صورتحال پر بریفنگ دی۔

وفاقی وزیر اسد عمر کی زیر صدارت اجلاس میں تعلیمی ادارے کھولنے سے متعلق فیصلہ بین الصوبائی وزرائے تعلیم کانفرنس میں کرنے پر اصولی اتفاق ہوا۔

این سی او سی کو بریفنگ میں بتایا گیا کہ ملک بھر میں بورڈ امتحانات ہر صورت ہوں گے، تاہم امتحانات اور بچوں کو پروموٹ کرنے سے متعلق فیصلہ بین الصوبائی وزرائے تعلیم کانفرنس میں ہوگا۔

بین الصوبائی وزرائے تعلیم کانفرنس کا اجلاس 23 مئی سے پہلے ہوگا۔ اجلاس میں یہ تجویز بھی سامنے آئی کہ پہلے مرحلے میں نویں، دسویں، گیارہویں اور بارہویں کلاسز کھول دی جائیں گی۔

یہ بھی پڑھیں : رواں مالی سال کے 10 ماہ میں ترسیلات زر 24ارب 24 کروڑ ڈالر پر پہنچ گئیں، اسٹیٹ بینک