علیزے شاہ نے یاسر نواز سے بہت بدتمیزی کی۔نوید رضا کا انکشاف

پاکستانی شوبز انڈسٹری کے معروف اداکار نوید رضا نے انکشاف کیا ہے کہ مشہور اداکارہ علیزے شاہ نے سینئر ہدایتکار و فلمساز یاسر نواز سے بہت بدتمیزی کی۔

تفصیلات کے مطابق نوید رضا نے ایک ڈرامے میں علیزے کے ہمراہ اداکاری کے متعلق بتایا کہ یاسر نواز بھی ہمارے ساتھ ہی سیٹ پر کام کر رہے تھے اور علیزے شاہ اکثر یاسر نواز کے ساتھ بدتمیزی کرتی تھیں۔ 

ڈرامے کے متعلق نوید رضا نے مزید بتایا کہ ایک کامیاب اداکار کے طور پر یاسر نواز کے کام میں غلطیاں نکالنا بہت غلط ہے، اکثر علیزے شاہ یاسر نواز کے تحریر کردہ اسکرپٹ کی لائنز حذف کردیتی تھیں۔

یہ بھی پڑھیں:

امریکی میوزک ایوارڈز 2021، آرٹسٹ آف دی ائیر کا اعزاز بی ٹی ایس کے نام

برطانوی گلوکارہ کی مہم کامیاب، اسپوٹیفائی نے نیا فیچر متعارف کرادیا

یاسر نواز کی تعریف کرتے ہوئے نوید رضا نے کہا کہ آپ چاہے کتنے ہی مشہور کیوں نہ ہوجائیں، سینئر فنکار ہمیشہ سینئر ہوتا ہے۔ یاسر نواز اپنی صلاحیتوں کا لوہا منوا چکے ہیں، ہمیں ان کی عزت کرنی چاہئے۔

اداکار نوید رضا نے علیزے شاہ کے متعلق رائے دیتے ہوئے کہا کہ آپ کو کس نے اختیار دیا ہے کہ ایک ڈائریکٹر کے اسکرپٹ کی لائنز کاٹیں۔ جب میں کام کرنے کی جگہ پر ہوں تو دوستی میں بھی ایسی بات نہیں کرسکتا۔ 

نوید رضا نے کہا کہ علیزے شاہ کہا کرتی تھیں کہ انہیں فلاں سین یاسر نواز کے ہمراہ نہیں کرنا۔ علیزے کو یاسر نواز سے مسئلہ اتنا زیادہ تھا کہ اگر یاسر اپنے بالوں کو ہیئر ڈرائر کرتے تو اس پر بھی اعتراض کرتی تھیں۔