نائلہ کیانی چھٹی بلند ترین چوٹی سر کرنیوالی پہلی پاکستانی خاتون بن گئیں

پاکستانی خاتون کوہ پیما نائلہ کیا نی نے ایک اور اعزاز اپنے نام کرلیا ہے، وہ دنیا کی چھٹی بلند ترین چوٹی سر کرنیوالی پہلی پاکستانی خاتون بن گئی ہیں۔

نائلہ کیانی نے اب سے کچھ دیر قبل 8188 میٹر بلند ماؤنٹ چو ایوکو سر کیا ہے جس کا شمار دنیا کی چھٹی بلند ترین چوٹی میں ہوتا ہے۔

BREAKING:

Alhamdolillah!

With the prayers of loved ones and our nation, Naila has become First Pakistani along with sirbaz to summit Cho oyu.

First pakistani woman to summit 10 8000er, only Pakistani to summit 7 8000er in six months.#NailaKiani pic.twitter.com/lzLvLn14vl

— Naila Kiani (@NailaKiani) October 2, 2023

نائلہ کیانی اب 8 ہزار میٹر بلند 10 چوٹیاں سر کرنیوالی پہلی پاکستانی خاتون کوہ پیما بن گئی ہیں، نائلہ کیانی اور سربازخان چین میں ماؤنٹ چو ایو سر کرنیوالی ٹیم میں ساتھ شامل تھے۔

یہ بھی پڑھیں:

ستمبر میں پاکستانی روپیہ کی بہترین کارکردگی، دنیا بھر کی کرنسیوں کو پیچھے چھوڑدیا

نائلہ اس سیزن میں شیشا پنگما بھی سر کریں گی، نائلہ کیانی 8 ہزار میٹر سے بلند تمام 14 چوٹیاں سر کرنے کا عزم رکھتی ہیں۔

نائلہ کیانی اس سے قبل ایورسٹ، کے ٹو، گیشربرم ون، گیشربرم ٹو اور براڈ پیک سر چکی ہیں ، نانگا پربت، اناپورنا، لوٹسے اور مناسلو کو بھی سر کیا ہے۔

واضح رہے کہ نائلہ کیانی کا تعلق صوبہ پنجاب میں راولپنڈی کی تحصیل گوجر خان سے ہے، انھوں نے ایرو سپیس انجینئرنگ کی تعلیم برطانیہ سے حاصل کر کے اپنے اس شعبے میں بھی کام کر رکھا ہے ۔