گوگل نیوز پر ہمیں فالو کریںاسلام آباد: پاکستانی شہریوں کی سہولت کے لیے نادرا نے جدید ترین پاک آئی ڈی موبائل ایپ متعارف کرادی۔
چیئرمین نادرا طارق ملک نے اس حوالے سے بتایا کہ ایپ کے ذریعے شہری شناختی کارڈ اور دیگر دستاویزات کیلئے تمام کارروائی موبائل فون پر ہی مکمل کر سکتے ہیں، شہری شناختی کارڈ یا دستاویزات اپنے گھر پر منگوا سکتے ہیں۔
طارق ملک نے کہا کہ پاکستان ایک سے زیادہ بائیومیٹرک اور دستاویزات جمع کرانے جیسی سہولیات آن لائن متعارف کرانے والا پہلا ملک بن چکا ہے، ایپ کی تیاری میں کنٹیکٹ لیس ٹیکنالوجی کا استعمال کیا گیا ہے۔
چیئرمین نادرا کے مطابق شہری ضروری دستاویزات موبائل ایپ کے ذریعے اپ لوڈ کر سکتے ہیں،موبائل ایپ میں دستاویزات کی شناخت کا نظام اور بائیو میٹرک تصدیق کی سہولت بھی شامل ہے۔
طارق ملک نے کہا کہ یہ موبائل ایپ تمام پاکستانی شہریوں کے لئے بے پناہ سہولت کا باعث بنے گی، موبائل ایپ نادرا کی کامیابیوں میں بھی ایک نیا اضافہ ثابت ہو گی۔
مزید پڑھیں:ایچ ای سی نے مائیکرو سافٹ امیجن کپ 2023 کے فاتحین کا اعلان کردیا
انہوں نے کہا کہ تصویر، فنگر پرنٹس اور ڈیجیٹل دستخط بھی آن لائن درخواست میں شامل کر سکتے ہیں، یہ اقدام ڈیجیٹل پاکستان کے مقاصد کے حصول میں انتہائی اہم کردار ادا کرے گا۔
