گوگل نیوز پر ہمیں فالو کریںشوبز انڈسٹری کی خوبصورت ماڈل و اداکارہ ایمان علی نے فواد خان اور ماہرہ خان سے متعلق اپنے متنازع بیان پر وضاحت دے دی۔
حال ہی میں اداکارہ ایمان علی نے ایک انٹرویو کے دوران اپنے پچھلے تبصرے پر وضاحت دیتے ہوئے کہا کہ میرامقصد ہرگز ماہرہ خان اور فواد خان کی بے عزتی کرنا نہیں تھا۔
View this post on Instagram
انہوں نے کہا کہ پچھلے انٹرویو کے دوران مجھ سے سوال کیا گیا کہ اگر یہ تمام لوگ اداکار نہیں ہوتے تو پھر زندگی کے کس شعبے سے منسلک ہوتے تو میں نے اس سوال پر صرف اپنی رائے دی تھی کہ مجھے وہ لوگ اپنی شخصیت کے حساب سے کس شعبہ زندگی کے لیے بہتر لگتے ہیں۔
اشنا شاہ کے منگیتر کا دلچسپ انداز میں محبت کا اظہار
واضح رہے کہ ایمان علی نے پچھلے دنوں ایک انٹرویو کے دوران ایک سوال کا جواب دیتے ہوئے کہا تھا کہ ہمایوں سعید بظاہر اپنے پنجابی انداز سے دودھ یا دہی بیچنے والے لگتے ہیں جبکہ ماہرہ خان کے بارے میں کہا کہ وہ ایک بہت اچھی ویڈیو جوکی تھیں، اس لیے انہیں ویڈیو جوکی ہی رہنا چاہیئے تھا جبکہ فواد خان کبھی بھی اچھے اسٹینڈ اپ کامیڈین نہیں بن سکتے۔
کام کے محاز پر اداکارہ ایمان علی نے فلم ٹِچ بٹن میں کام کیا ہے، جو کہ 25 نومبر کو سینما گھروں میں ریلیز ہوگی، فلم میں اُن کے علاوہ فرحان سعید، سونیا حسین اور فیروز خان ہیں۔
