نوجوان عارف کی پر اسرار موت، قتل یا خودکشی، معمہ حل نہ ہوسکا

کراچی: ضلع ملیر کے دنبہ گوٹھ میں نوجوان عارف کی پر اسرار موت، خود کشی یا قتل،معمہ حل نہ ہو سکا، پولیس نے لاش تحویل میں لے کر پوسٹ مارٹم کے لیے روانہ کر دیا۔

ضلع ملیرمیں دنبہ گوٹھ کے قریب”رمضان بلوچ“ مویشیوں کے باڑے میں نوجوان محنت کش کی پر اسرار موت، پولیس جائے وقوعہ پر پہنچ گئی، لاش پوسٹ مارٹم کے لئے اسپتال منتقل،باڑے میں 20 سالہ محنت کش محمد عارف ولد محمد یوسف کی پھندہ لگی لاش دیکھ کر لوگوں نے پولیس کو آگاہ کیا۔

اطلاع ملنے کے بعد تھانہ میمن گوٹھ پولیس نے جائے وقوعہ پر پہنچ کر لاش کواپنی تحویل میں لے لیا اور شواہد کھٹے کیے،جس کے بعد پولیس نے لاش کو پوسٹ مارٹم کے لئے عباسی شہید اسپتال منتقل کردیا۔

پولیس ذرائع کااس حوالے سے کہنا ہے کہ پوسٹ مارٹم رپورٹ کے بعد ہی پتہ چلے گا کہ یہ قتل ہوا ہے یا خودکشی، تاہم تفتیش کا آغاز کر دیا گیا ہے اور اگر شواہد ملے کہ عارف کو قتل کیا گیا تھا تو اسی پہلو سے تفتیش کی جائے گی، اگر کوئی عارف کے قتل میں ملوث پایا گیا تو اس کے خلاف قانون سخت ایکشن لے گا۔