محمد عامر کی شکایات پرانی ہیں، اگر پرفارم کرتے تو کوئی کچھ نہیں بولتا۔ شعیب اختر

راولپنڈی:قومی کرکٹ ٹیم کے سابق فاسٹ باؤلر شعیب اختر نے محمد عامر کے ریٹائرمنٹ کے فیصلے پر کہا کہ محمد عامر کی مینجمنٹ سے شکایتیں پرانی ہیں۔اپنے بیان میں شعیب اختر نے کہا کہ عامر اگر پرفارمنس دیتے تو انہیں کوئی کچھ نہیں کہہ سکتا تھا۔

انہوں نے کہا کہ بدقسمتی سے عامر کی اچھی پرفارمنس نہیں رہی۔عامر نے غلطی کی، سزا بھگتی اور محمد عامر کی مینجمنٹ سے شکایتیں پرانی ہیں۔سابق کرکٹر سکندر بخت نے کہا کہ پاکستان نے عامر کو کھلایا، تمام تر تنازعات کے بعد بھی کھلایا۔خیال رہے کہ محمد عامر نے مینجمنٹ سے مایوس ہو کر کرکٹ چھوڑنے کا فیصلہ کیا ہے۔

رمیز راجہ نے فاسٹ باؤلر محمد عامر کی ریٹائرمنٹ کی خبر سْن کر افسردگی کا اظہار کیا ہے۔انہوں نے سوشل میڈیا پر جاری پیغام میں کہا کہ محمد عامر ریٹائر ہوگئے، سْپر اسٹار کے یوں باہر چلے جانے کا افسوس ہے۔

رمیز راجہ نے کہا کہ محمد عامر کی ریٹائرمنٹ کے فیصلے میں بہت سے نوجوانوں کے لیے سبق ہے۔انہوں نے کہا کہ نوجوان اپنی صلاحیتوں کا احترام کریں اور اپنی ذمہ داریوں کو سمجھیں۔

رمیز راجہ کے مطابق دولت کو عزت پر فوقیت نہ دیں، عزت ایک مضبوط کردار رکھنے سے حاصل کی جاتی ہے نا کہ دنیاوی چمک دمک سے۔خیال رہے کہ محمد عامر نے مینجمنٹ سے مایوس ہو کر کرکٹ چھوڑنے کا فیصلہ کیا ہے۔