گوگل نیوز پر ہمیں فالو کریںاسلام آباد :شہر اقتدار قبضہ مافیا کے نرغے میں آگیا، شہریوں کی زمینوں پر قبضے اور لاقانونیت بڑھنے لگی، بنی گالا میں سات مئی کو قبضہ لینڈ مافیا کی فائرنگ سے متاثرہ بچی کی حالت بگڑگئی۔
6سالہ رباب کو قبضہ مافیا کی فائرنگ سے بازو اور پیٹ میں گولیاں لگی تھیں جس کے بعد ننھی رباب کا آپریشن کیا گیا جبکہ رباب کا دایاں بازو جوڑ سے مکمل فریکچر ہو گیا ہے، بچی اس وقت نہایت اذیت کا شکار ہے۔
متاثرہ بچی رباب کا کہنا ہے کہ میرا کیا قصور ہے،مجھے کیوں مارا گیا ،اب میں چل پھر نہیں سکتی ہوں اور نہ کہی آ جا سکتی ہوں، مجھے انصاف چاہیے ۔
بچی کے بھائی کا کہنا ہے کہ پولیس نے ہمارے ساتھ انتہائی زیادتی کی ہے ،پولیس نے بااثر ملزمان کے کہنے پر ہم پر بھی کر اس ایف آئی آر درج کر دی ہے ۔
ہم غریب لوگ ہیں ،ہمارے پاس اتنے پیسے نہیں کہ ہم تھانے کچہریوں کے چکر لگاتے ہیں ،ہماری غلطی کیا ہے ،ان کا کہنا ہے کہ ہمارے اوپر ایف آئی آر بنتی ہی نہیں کیونکہ لینڈ مافیا کا نہ ہی کوئی بندہ زخمی ہوا اور نہ ہی ہماری طرف سے کسی نے فائرنگ کی ۔
متاثرہ بچی کے بھائی کہنا ہے کہ ہم پر کراس ایف آئی ار کیوں دی گئی ،ہمیں خدشہ ہے کہ اس کیس کا تفتیشی افسر بھی بااثر ملزمان کے زیر اثر ہے ،ضمانیاں بھی ملزمان کے حق میں لکھی گئی ہیں۔
مزید پڑھیں: اسلام آباد پولیس قبضہ مافیا کی سرپرست بن گئی‘ شہری کنگال ہونے لگے
