گوگل نیوز پر ہمیں فالو کریںاسلام آباد: اسپیکر قومی اسمبلی اسد قیصر اور چیئرمین سینیٹ صادق سنجرانی کے مابین وفاقی دارالحکومت کے پارلیمانی آفس میں ملاقات ہوئی جس کے دوران افغان امن عمل پر گفتگو کی گئی۔
سماجی رابطے کی ویب سائٹ ٹوئٹر پر ملاقات کے حوالے سے اسپیکر قومی اسمبلی نے بتایا کہ ملاقات کے دوران پارلیمانی امور کی صورتحال اور پارلیمنٹ میں مقننہ کے کردار پر تبادلۂ خیال کیا گیا۔
اسپیکر قومی اسمبلی اسد قیصر نے کہا کہ حکومت کی کوئی بھی نمائندہ صورت مشترکہ افہام و تفہیم کے بغیر آج تک کامیاب نہیں ہوسکی۔ سینیٹ اور قومی اسمبلی بہتر پاکستان کے لیے مل کر کام کر رہے ہیں۔
In a meeting with Chairman Senate Sadiq Sanjrani discussed parliamentary progress & legislative business of the houses. No representative form of government has ever succeeded without collaborative discussions. Senate and NA are working together for a better Pakistan. pic.twitter.com/6EE94BiYxt
— Asad Qaiser (@AsadQaiserPTI) March 3, 2020
ملاقات کے حوالے سے قومی اسمبلی سے جاری کردہ بیان کے مطابق دونوں سربراہانِ پارلیمان کی ملاقات ایک ترقی پسند سنگِ میل کی حیثیت رکھتی ہے۔
قومی اسمبلی بیان کے مطابق چیئرمین سینیٹ صادق سنجرانی اور اسپیکر قومی اسمبلی اسد قیصر کے درمیان آئندہ افغان مکالمے کے حوالے سے بھی گفتگو ہوئی۔
Speaker NA @AsadQaiserPTI met the Chairman Senate to discuss Parliamentary and Legislative Progress of the Parliament of Pakistan.The dialogue amongst the Chairs of both Houses is a progressive milestone.They discussed the forthcoming Afghan Dialogue ahead of the Doha Accord. pic.twitter.com/fV9ArrWCUE
— National Assembly ???????? (@NAofPakistan) March 3, 2020
یاد رہے کہ اس سے قبل وزیر خارجہ شاہ محمود قریشی نے کہا کہ پاکستان کے ساتھ افغانستان کو جو بھی تحفظات ہیں اس کا حل امریکا کو شامل کرنے کے بجائے دو طرفہ طور پر حل کیا جانا چاہئے ۔
وزیر خارجہ شاہ محمود قریشی نے افغانستان سے فوجیوں کے انخلا کے حوالے سے بات چیت کرتے ہوئے کہا کہ امریکا انخلا کا منصوبہ بنا رہا ہے اور ہم ہمیشہ ہمسایہ ہی رہیں گے۔انہیں پاکستان سے براہ راست بات کرنی چاہئے۔
مزید پڑھیں: پاک افغان معاملات میں امریکا کی ضرورت نہیں۔شاہ محمود قریشی
