مارشل آرٹس ماسٹر راشد نسیم ایس ایس یو کمانڈوز کو تربیت فراہم کریں گے

کراچی: پاکستان کے ممتاز مارشل آرٹسٹ محمد راشد نسیم نے اسپیشل سیکیورٹی یونٹ (SSU) کے کمانڈوز کو مارشل آرٹ کی مختلف تکنیکوں کی تربیت دینے کی پیشکش کی ہے۔

راشد نسیم نے ڈپٹی انسپکٹر جنرل آف پولیس (ڈی آئی جی پی) سیکیورٹی اینڈ ایمرجنسی سروسز ڈویژن ڈاکٹر مقصود احمد سے ملاقات کی اور کمانڈوز کی تربیت کے لیے اپنے رضاکارانہ تعاون کو بڑھایا۔

محمد راشد کے پاس مارشل آرٹس میں 77 انفرادی گنیز ورلڈ ریکارڈز ہیں،ڈی آئی جی پی ڈاکٹر مقصود احمد نے رضاکارانہ طور پر ایس ایس یو کمانڈوز کے لیے اپنی خدمات سرانجام دینے پر محمد راشد کو سراہتے ہوئے کہا کہ ان کی خدمات پولیس اہلکاروں اور ایس ایس یو کمانڈوز کی ہر طرح کی صلاحیتوں کا مظاہرہ کرنے کی حوصلہ افزائی میں مثبت کردار ادا کریں گی۔

ڈی آئی جی پی نے مزید کہا کہ SSU ہمیشہ کھیلوں کو فروغ دینے والا رہا ہے، جیسا کہ ماضی میں بہت سے SSU کمانڈوز نے قومی اور بین الاقوامی سطح پر مقابلے جیتے اور تمغے حاصل کیے۔

مزید پڑھیں:کرکٹ بورڈ کے چیئرمین کی تبدیلی سے کوئی فرق نہیں پڑتا، مصباح الحق

محمد راشد نے اپنے خیالات کا اظہار کرتے ہوئے ڈی آئی جی پی سیکیورٹی کا شکریہ ادا کیا کہ انہوں نے ان کے کارناموں اور صلاحیتوں کا اعتراف کیا اور کہا کہ وہ کمانڈوز کی تربیت اور انہیں بین الاقوامی سطح پر ملک کی نمائندگی کرنے کے قابل بنانے کی پوری کوشش کریں گے۔بعد ازاں ڈی آئی جی پی ڈاکٹر مقصود احمد نے محمد راشد نسیم کو سووینئر بھی پیش کیا۔