گوگل نیوز پر ہمیں فالو کریںکراچی: صوبہ سندھ کے شہر دادو میں نویں جماعت کی طالبہ کو اغوا کے بعد قتل کرنے والے ملزم کو گرفتار کیا گیا ہے جو مقتولہ کا رشتہ دار نکلا۔ پولیس نے قاتل کا اعترافی بیان حاصل کر لیا ہے۔
تفصیلات کے مطابق دادو میں نویں جماعت کی طالبہ کو قتل کرنے والا شخص دو ساتھیوں سمیت گرفتار ہوا۔ پولیس کا کہنا ہے کہ ملزم نے اپنے اعترافی بیان میں بتایا کہ گزشتہ 3 ماہ سے مقتولہ سے رابطہ تھا۔
کراچی، کورنگی میں 8 رکنی گینگ نے 100 سے زائد شہریوں کو لوٹ لیا
اعترافی بیان کے مطابق ملزم نویں جماعت کی طالبہ کو دھوکہ دے کر سندھ سے باہر لے گیا۔ بلوچستان میں کچھ روز قیام کے بعد جب رقم ختم ہوگئی تو ملزم کو واپس سندھ کا رخ کرنا پڑا جہاں طالبہ قتل ہوئی۔
بیان کے مطابق ملزم بلوچستان سے طالبہ کو اپنے ساتھ سندھ لے آیا تاہم لڑکی گھر جانے پر راضی نہ ہوئی جس کا کہنا تھا کہ گھر جانے پر قتل ہونے کا خدشہ ہے، بہتر ہے مجھے تم ہی قتل کردو۔
ملزم نے کمسن لڑکی کو سندھ کی تحصیل میہڑ میں سندھی بٹڑا کے علاقے میں سوکھی گھاس میں گلا دبا کر قتل کردیا۔ پولیس کے مطابق ملزم کا ایک ساتھی بھی واردات میں شریک رہا۔
مقتولہ کی لاش گزشتہ ماہ 20 جنوری کو برآمد ہونے پر نویں جماعت کی طالبہ کے والد نے 7 ملزمان کے خلاف اغوا اور قتل کا مقدمہ درج کرادیا۔ پولیس نے والد کی شکایت پر ملزمان کو گرفتار کیا جن سے تفتیش جاری ہے۔
