گوگل نیوز پر ہمیں فالو کریںکراچی: استحکام پاکستان پارٹی سندھ کے صدر محمود مولوی نے کہا ہے کہ میں جنوری میں الیکشن نہیں دیکھ رہا جبکہ 9مئی کے واقعات کی منصوبہ بندی ایوانِ صدر میں ہوئی۔
تفصیلات کے مطابق اپنے ایک بیان میں استحکامِ پاکستان پارٹی سندھ کے صدر محمود مولوی نے کہا کہ 9مئی واقعات کی منصوبہ بندی ایوانِ صدر میں ہوئی۔ شاہ محمود قریشی اور علی زیدی سمیت دیگر رہنما اجلاس میں شریک تھے۔
عثمان ڈار کا انٹرویو اہم نہیں۔ تحریکِ انصاف
بیان میں محمود مولوی نے کہا کہ طے ہوا تھا کہ اگر کچھ ہوا تو جی ایچ کیو کے اندر جائیں گے۔ میری عثمان ڈار سے 3 ماہ پہلے ملاقات ہوئی تھی، میں نے عثمان ڈار سے کہا کہ جو بات ہے، ابھی بتا دو۔
دریں اثناء نجی ٹی وی پروگرام میں گفتگو کے دوران سینئر رہنما استحکامِ پاکستان پارٹی محمود مولوی نے کہا کہ کسی کو بھی الیکشن جنوری میں دکھائی نہیں دے رہے، جس کی بہت سی وجوہات ہیں۔
گفتگو کے دوران استحکامِ پاکستان پارٹی سندھ کے صدر نے کہا کہ الیکشن کمیشن کو حلقہ بندیوں کے عمل میں وقت لگے گا۔ ہماری پارٹی کی رائے میں الیکشن فروری کے آخر میں یا مارچ تک جاسکتے ہیں۔
صدر آئی پی پی سندھ نے کہا کہ اگر الیکشن کمیشن کا بیان دیکھا جائے تو انتخابات حلقہ بندیوں کے 45 سے 55دن بعد ہوں گے کیونکہ حلقہ بندیوں پر اعتراضات آئیں گے جنہیں کلیئر کرنے میں وقت لگے گا۔
