ماہرہ خان کا کورونا سے لڑنے کیلئے پیغام‘ لوگوں سے گھروں میں رہنے کی اپیل

کراچی:اداکارہ ماہرہ خان نے ایک ویڈیو پیغام میں لوگوں سے گھر وں میں رہنے، صحتمند رہنے اور کورونا وائرس کو شکست دینے کے لئے ذمہ داری کے ساتھ کام کرنے کی اپیل کی ہے۔

https://www.instagram.com/p/B9_xXdvByvt/

اداکارہ نے اپنے مداحوں کے ساتھ وائرس کے خلاف لڑنے کے لئے کچھ نکات شیئر کیے۔ ماہرہ نے اپنے مداحوں سے کہا کہ وہ وائرس کو بڑے پیمانے پر پھیلنے سے روکنے کے لئے زیادہ سے زیادہ گھر پر ہی رہیں۔

ویڈیو پیغام میں مداحوں کو مشورہ دیتے ہوئے کہا، ”اپنے ہاتھ دھوئے، ایک دوسرے فاصلہ رکھیں، بہت سی وٹامن سی لیں۔” لوگوں پر زور دیا کہ وہ روزانہ مزدوری کرنے والے مزدوروں اور دیگر افراد کی مدد کریں جو اس وقت کے دوران شدید مشکلات کا شکار ہیں۔

اداکارہ نے کہا، ”غیر تصدیق شدہ واٹس ایپ ویڈیوز اور مضامین کو پھیلانے سے پرہیز کریں،” ایسی جعلی خبروں سے عوام میں انتشار اور خوف و ہراس پھیلانے کا ذریعہ بن سکتا ہے۔