مدینہ واقعہ، ایم این اے راشد شفیق کی ضمانت منظور

اٹک: جوڈیشل مجسٹریٹ نے پیر کو مسجد نبوی (ص) کے تقدس کو پامال کرنے کے الزام میں درج مقدمے میں شیخ رشید احمد کے بھتیجے شیخ راشد شفیق کی ضمانت منظور کر لی۔

راشد شفیق کو یکم مئی کو سعودی عرب سے آمد پر وزیراعظم شہباز شریف کے سرکاری وفد کے خلاف نعرے بازی کرنے پر مقدمہ درج کرنے کے بعد اسلام آباد انٹرنیشنل ایئرپورٹ پر گرفتار کیا گیا تھا۔

جوڈیشل مجسٹریٹ محمد عارف نے محفوظ کیا گیا فیصلہ سنایا اور دلائل سننے کے بعد شیخ راشد شفیق کی درخواست ضمانت منظور کر لی۔

مزید پڑھیں:عمران خان فوج کو تقسیم کرنے کی سازش کر رہے ہیں، آصف زرداری

گزشتہ سماعت کے دوران انہیں مزید دو دن کے پولیس ریمانڈ پر جیل بھیج دیا گیا تھا۔ شیخ راشد شفیق کو ڈیوٹی جج کے سامنے پیش کیا گیا جہاں پولیس نے واقعے میں ان کے مبینہ ملوث ہونے کی تحقیقات کے لیے سات روزہ جسمانی ریمانڈ کی استدعا کی۔