گوگل نیوز پر ہمیں فالو کریںکابل: اے ایف پی نے عینی شاہد کے حوالے سے خبر دی ہے کہ افغانستان کے دارالحکومت کابل میں چائنا گیسٹ ہاؤس کے قریب زور دار دھماکے، گولیاں چلنے کی آوازیں سنی گئیں۔
عینی شاہد نے اے ایف پی کو بتایا کہ ”یہ ایک بہت زور دار دھماکہ تھا اور بہت زیادہ گولیاں چلنے کی آوازیں آئیں،” جبکہ مقامی میڈیا نے بھی ایسی ہی تفصیلات بتائی ہیں۔
طالبان کی اقتدار میں واپسی کے بعد سے چینی کاروباری افراد کی ایک قابل ذکر تعداد افغانستان کا دورہ کر رہی ہے، اور بیجنگ حکومت کو سرکاری طور پر تسلیم نہ کرنے کے باوجود افغانستان میں ایک مکمل سفارت خانہ رکھتا ہے۔
اے ایف پی کی خبر کے مطابق، چائنا گیسٹ ہاؤس ایک کثیر المنزلہ کمپلیکس ہے جو چینی کاروباری لوگوں میں مقبول ہے جو طالبان کی واپسی کے بعد سے افغانستان کا دورہ کر رہے ہیں۔
رائٹرز نے اطلاع دی ہے کہ مسلح افراد نے وسطی کابل میں ایک عمارت کے اندر فائرنگ کی جس میں کچھ غیر ملکی مقیم تھے۔
وسطی کابل کے علاقے کے رہائشیوں نے بتایا کہ ایک زور دار دھماکے کے بعد علاقے میں فائرنگ کا سلسلہ کافی دیر تک جاری رہا، رپورٹ میں مزید کہا گیا کہ یہ حملہ ایک ہوٹل پر کیا گیا جہاں چینی اور دیگر غیر ملکی عموماً ٹھہرتے ہیں۔
