اسلام آباد :آل پاکستان انجمن تاجران کے صدر اجمل بلوچ نے کہا ہے کہ کورونا وائرس کی وجہ سے ملک بھر میں لاک ڈاؤن ہے ،حکومت کو چاہیے کہ وہ مرحلہ وار لاک ڈاؤن کھولے تاکہ تاجران اور عوام کی مشکلات میں تھوڑی آسانی ہو۔
مکمل لاک ڈاؤن کے باعث ہر طبقہ کے لوگ اس وقت مالی مسائل سے دو چار ہیں ، عوام اور تاجر برادری کو مالی مسائل کے ساتھ ساتھ دیگر مشکلات کا بھی سامنا ہے ۔
آل پاکستان انجمن تاجران کے صدر اجمل بلوچ نے نیشنل پریس کلب میں ہنگامی پریس کانفرنس کی ، جس میں میڈیا سے گفتگو کرتے ہوئے انہوں نے کہا کہ لاک ڈاؤن کے باعث پیدا ہونے والے حالات کو مدنظررکھتے ہوئے حکومت کو مشورہ دیتے ہیں کہ وہ ملک میں مرحلہ وار لاک ڈاؤن کھولا جائے ۔
پہلے مرحلہ میں تمام صوبائی حکومتیں اپنے تمام شہروں کے داخلی و خارجی راستوں کو عام آمدورفت کیلئے بند کر کے 14 اریل رات 9 بجے کے بعد تمام مارکیٹیں اور بازار کھول دیں ، مارکیٹوں کے اوقات کار 9 بجے صبح تا 5 بجے شام رکھے جائیں ، مارکیٹوں اور بازاروں میں مقامی افراد کو خریداری کی اجازت دی جائے۔
انہوں نے کہا کہ کورونا وائرس بارے وضع کردہ احتیاطی تدابیر اختیار کی جائیں گی ، انتظامیہ کی جانب سے جاری کر دہ قواعد وضوابط پر عمل درآمد کرتے ہوئے مقامی گاہکوں کے ساتھ کاروباری سرگرمیاں جاری رکھی جائیں بیرون شہر کے بیوپاری آن لائن بینکنگ کے ذریعے اپنے کاروبار کریں ، گڈز ٹرانسپورٹ پہلے سے کھلی ہوئی ہے ، مال کی بکنگ کوئی مسئلہ نہ ہو گا ، اجمل بلوچ نے کہا کہ ضلعی انتطامیہ اپنی شہری حدود میں کورونا وائرس کے تمام تر احتیاطوں پر عمل کروائے۔
مزید پڑھیں: کے الیکٹرک کراچی کے شہریوں پر مہربان، شہریوں میں خوشی کی لہر دوڑ گئی